Filologiya fakultetida o‘zbek mumtoz adabiyotining yirik namoyandasi, davlat arbobi va buyuk shoir Zahiriddin Muhammad Bobur tavalludining 543 yilligiga bag‘ishlangan “Do‘stlarning suhbatida ne xush o‘lg‘ay bahsi she’r…” nomli ma’naviy-ma’rifiy tadbir bo‘lib o‘tdi.
Tadbir davomida Bobur hayoti va ijodiga doir ma’ruzalar tinglandi, talabalarning adabiy-badiiy chiqishlari, sahna ko‘rinishlari hamda musiqiy dasturlar namoyish etildi. Bobur g‘azal va ruboiylari ijro etilib, uning boy adabiy va tarixiy merosi keng yoritilmoqda.
Mazkur tadbir yoshlar qalbida milliy o‘zlikni anglash, tarixiy merosimizga hurmat va ma’naviy qadriyatlarga sadoqat tuyg‘ularini yanada mustahkamlashga xizmat qilmoqda.
