Mana, sobiq ittifoq parchalanib ketganiga ham ancha yillar bo’ldi. Zamonning o’zi hammasini joy-joyiga qo’ydi. Ya’ni hayotning o’zi haqiqatga ko’zimizni keng ochib qarashga majbur qildi. Mustaqil bo’lish uchun uni e’lon qilishni o’zigina yetarli emasligini, mustaqil rivojlanib borayotgan, betakror, Olloh nazari tushgan yurt - O’zbekiston, isbotlab berdi. Ko’hna tarix hayotda ko’p misollarda o’z isbotini topgan azaliy bir haqiqatni isbotlab beradi. Har bir xalq, har bir millat dunyoning qaysi o’lkasida yashamasin o’ziga xos, ma’lum qiyinchiliklarni boshidan kechiradi. Achchiq hayot tajribasidan, o’zi anglagan ana shu haqiqatlarni kelgusi nasllarga misol qilib qoldiradi. Zamonlar o’tadi hayot o’zgaradi, lekin bu haqiqatning beqiyos ahamiyati va mohiyatini har qaysi avlod o’zi uchun qaytadan kashf etadi. Bu haqiqat shuqadar buyuk va maftunkorki asrlar mobaynida yangi-yangi avlodlar, butun- butun xalqlar unga intilib yashaydi. Bu yo’lda borlig’ini sarf etadi, behisob qurbonlar berishga, har qanday sinovlardan o’tishga tayyor bo’ladi. Bu haqiqat, bu tushunchaning nomi ozodlik, mustaqillik, hurlikdir. Inson qachon erkin, o’z sha’ni va qadr-qimmatini anglash tuyg’usi bilan yashasagina, tinch va osuda faravonga erishadi, shundagina hech kimga qaram bo’lmasdan, mustaqil, ertangi kuniga ishonch bilan yashash imkoniga ega bo’ladi.Mustaqil xalqimizga mana shu imkoniyat tuhfa qilindi.Bugun vatanimiz mustaqilligining shonli 26 yillig sanasini nishonlar ekanmiz, ozodlik, mustaqillik, bugungi tinch-osuda hayot o’z o’zidan kelmaganini, ularning barchasi tinimsiz kurashlar, qiyinchilik va yo’qotishlar, munozara va muhokamalar, izlanish va yaratilishlar, ba’zan o’ta iztirobli, ba’zida quvonchli intilishlar mahsuni ekanini qalban his qilishimiz kerak. El-yurtimiz O’zbekiston deb atalgan bu betakror, ozod diyorni, mustaqillikni tom ma’noda o’z mehnati, o’z aql-zakovati va salohiyati, irodasi bilan barpo etganidan ko’nglimiz tog’dek ko’tariladi.Afsonaviy Shohi zindaning qadim tosh zinalari uzoq va yaqin o’tmishning tilsiz guvohlaridir. Ular go’yo samoga ko’tarilib, ortida yo’l qoldirayotgandek. Bu yo’l esa insonning eng oliy qadriyatlar va buyuk haqiqatga erishish yo’lidirNihol quyoshga qarab intiladi. Qachonki u chuqur ildiz otsagina meva beradi. Xalqimiz qadagan mustaqillik niholi bugun buyuk kelajak sari intilmoqda.Shu o’rinda savol tug’iladi ma’naviyat nima? Ma'naviyat insonning ichki dunyosi, o'ylari, axloqi, odobi, ilmi va dunyoqarashlarining tashqi olamdagi in'ikosidir. Albatta, u juda keng tushuncha. Lekin aynan mana shu keng tushuncha orqali inson hayoti aniq mazmunga ega bo'ladi. Hozirgi kunda yurtboshimiz tomondan olib borilayotgan “Harakatlar strategiyasi” buyuk kelajakdan dalolatdir. Shu o’rinda ta’lim sohasidagi islohotlar, o’zgarishlar xalqni ma’naviyatli, xalqni ma’rifatli qilish yo’lida olib borilayotgan fidoyilik jamiyat tayanchiga aylanadigan kadrlarni yuzaga kelishi uchun bo’layotgan tinimsiz harakatlardir. Men shu o’rinda bir narsani ta’kidlashim joizki, hozirgi kunda yoshlarimizga qaratilayotgan etibor, dunyoning hech bir yerida yoqligini baralla ayta olaman. Buning oddiy misolini Oliy ta’lim muassasalarga ajratilgan kuotalar sonidan, maqsadli ta’limdan, hozirgi kunda kadrlarni yetishtirish borasidagi say harakatlardan ham ko’rishimiz mumkin. Prezidentimizning mart oyida Buxoroga tashriflari o’laroq Buxoro davlat universiteti Tarix fakultetida “Arxeologiya”, “Islom tarixi va manbashunosligi” ta’lim yo’nalishlari ochilganligini aytib o’tish mumkin. Bu Ko’hna va boqiy Buxoro tarixini yanada boyitish uchun ulkan bir qadam vazifasini bajarishiga ishonchimiz komildir.Zero, bugun yurtimizda amalga oshirilayotgan bunyodkorlik ishlari shubhasiz vatandoshlarimizning halol va mardonavor mehnati kelajakka bo’lgan ishonchi timsolida oliy janob xalqimizning ezgu orzu intilishlari, shijoati va kuch-qudrati, qanday buyuk ishlarga qodirligi chin ma’nodagi o’zbek ishining namoyonidir.Tarix kafedrasi o’qituvchisiOchilov Alisher To’lis o’g’li
