Sho‘rolar zamonida yurtimizdagi barcha qadamjolar qatorida Hazrat Bahouddin Naqshband ziyoratgohi ham yarim vayronaga aylantirilgan edi. Istiqlol sharofatidan bu tabarruk maskanda obodonlashtirish uchun sa‘y-harakatlar boshlandi, qadamjodagi masjid namozxonlar ixtiyoriga berildi.1993 yilda respublikamiz Birinchi Prezidenti Islom Karimov tashabbusi bilan Bahouddin Naqshband tavalludining 675 yilligi xalqaro miqyosida keng nishonlandi. Shu munosabat bilan ziyoratgohda katta ko‘lamdagi obodonchilik va ta‘mirlash ishlari amalga oshirildi. Buxoro shahridan bu qadamjogacha boradigan yo‘l jahon andozasiga mos qilib qurildi.2003 yilda Xoja Bahouddin Naqsh¬band hazratlarining 685 yillik yubileyiga tayyorgarlik jarayonida davlatimiz rahbari ko‘rsatmasi asosida ushbu alloma dahmasi, shuningdek, Abdulazizxon xonaqohi, Dahmai Shohon—Shohlar xilxonasi, Muzaffarxon va Abdul¬hakim Qushbegi masjidlari, hovuz, quduq, minora va boshqa inshootlar ta‘mirlandi, eski ayvon poydevori ustiga 15 ustundan iborat va milliy naqshlar bilan ziynatlangan ayvon barpo etildi. Mevali va manzarali daraxtu gullarga boy Bog‘i Orifonga asos solindi. Hazrat Bahouddin Naqshbandning onalari — Bibi Orifa mangu qo‘nim topgan ziyoratgohga boradigan yo‘lning mazkur bog‘ ichidan o‘tishi majmua arxitektonikasiga o‘ziga xos fayz baxsh etdi.Respublika Vazirlar Mahkamasining 2004 yil 27 maydagi qaroriga muvofiq Bahouddin Naqshband yodgorlik majmua¬si markazi tashkil etildi. Shu majmua tarkibiga kiruvchi ikki qavatli markaz binosi, keyinchalik milliy uslubda qurilgan anjumanlar zali foydalanishga topshirildi. Qadimgi darvozalar — Xoja Dilovar va Bobus Salom asl holiga keltirildi, Sharq me‘morchiligi an‘analari asosida Bobul Islom darvozasi bunyod etildi.Yaqinda Prezidentimiz Shavkat ¬Mirziyoyev tashabbusi bilan tashkil etilgan Mir Arab oliy madrasasi shu majmuada yangi o‘quv yilini boshladi. Shu yilning 11 iyulida davlatimiz rahbari tomonidan qabul qilingan "Abduxoliq G‘ijduvoniy tavalludining 915 yilligini va Bahouddin Naqshband tavalludining 700 yilligini nishonlashga tayyorgarlik ko‘rish hamda uni o‘tkazish to‘g‘risida"gi farmoyishda bu xojagon-naqshbandiya tariqati asoschilari ziyoratgohlarini obodonlashtirish, ko‘kalamzorlashtirish va ularning infratuzilmasini rivojlantirish bo‘yicha yangi vazifalar belgilandi.Shavkat BOBOJONOV, Buxoro davlat universiteti o‘qituvchisi.
