11-noyabr kasaba uyushmalari kuni munosabati bilan Buxoro davlat universitetida “Inson qadri uchun, el yurt baxti uchun” shiori ostida madaniy-ma‘rifiy tadbir bo‘lib o‘tdi.
Universitet foyesida Sanʼatshunoslik fakulteti talabalari mumtoz ohanglar ijro etishdi, talabalarning amaliy ishlari o'rin olgan ko'rgazma hamda tilaklar doskasi tashkil etildi, shuningdek, sport turlaridan shaxmat va shashka o'yinlari bo'lib o'tdi.
Tadbirni BuxDU yoshlar masalalari va maʼnaviy-maʼrifiy ishlar boʻyicha birinchi prorektori A.A. Amonov kirish soʻzi bilan ochib berdi. A.A. Amonov Buxoro davlat universiteti rektori O.X.Xamidovning kasaba uyushma xodimlariga bayram tabrigini oʼqib eshittirdi, hamda ushbu sana munosabati bilan kasaba uyushma xodimlarini muborakbod etdi.
Tadbirda kasaba uyushmalarining yurtimizdagi bunyodkorlik ishlaridagi o‘rni, xodimlarning ijtimoiy iqtisodiy himoyasi borasida amalga oshirilishi lozim bo‘lgan masalalar bo‘yicha fikr almashildi. Tadbirda ta’lim va fan xodimlari kasaba uyushmasi Respublika kengashi Buxoro viloyati bo‘yicha mas’ul tashkilotchisi R.K.Nosirova qatnashdi.
Tadbirda soha fidoiylari, kasaba uyushma faxriylari sana munosabati bilan o‘tkazilgan ko‘rik tanlovlar, sport musobaqalari g‘oliblari taqdirlandi.
San’atshunoslik va pedagogika fakulteti jamoasi tomonidan tayyorlangan musiqiy kompozitsiya tadbir ishtirokchilariga manzur bo‘ldi.
