Buxoro davlat universiteti quyidagi bakalavr ta’lim yo‘nalishlarda kasbiy (ijodiy) imtihonlar boshlanayotganligini ma’lum qiladi
Kasbiy (ijodiy) imtihonlar joriy yilning 5-iyulidan 13-iyul kuniga qadar Buxoro davlat universiteti hududida bo‘lib o‘tadi.
Imtihonlar bo‘lib o‘tadigan binolarda barcha qulayliklar yaratilgan, kerakli texnik vositalar bilan jihozlangan, sport zallari shay holatga keltirilgan. Kasbiy (ijodiy) imtihon jarayonlariga kuzatuvchi sifatida jamoatchilik vakillari, deputatlar, OAV xodimlari, bloggerlar taklif etilgan.
Muhim eslatma!
Abituriyentlar ijodiy imtihon kunlari o‘zlari bilan shaxsni tasdiqlovchi hujjat (pasport, ID), Abituriyent ruxsatnomasi bilan kiritiladi hamda tegishli yo‘nalish bo‘yicha sport formasi va kerakli jihozlarini olib kelishi so‘raladi.
Vazirlar Mahkamasining 2018-yil 27-iyuldagi 588-sonli qarori bilan tasdiqlangan Nizomning 25-bandiga muvofiq jadval bo‘yicha kasbiy (ijodiy) imtihonlarga (imtihon bosqichi yoki turiga) kelmagan abituriyentlar uchun qayta kasbiy (ijodiy) imtihonlar o‘tkazilmaydi va o‘qishga qabul qilinmaydi!
