Universitetda tahsil olayotgan xotin-qizlar innovatsion va startap loyihalarini rivojlantirish va rag‘batlantirish maqsadida “Ayollar biznesiga birinchi qadam” tanlovi bo‘lib o‘tdi.
Tanlov O‘zbekiston Respublikasi Prezidentining 2020-yil 30-iyuldagi “Yoshlarga oid davlat siyosatini tubdan isloh qilish va yangi bosqichga olib chiqish chora-tadbirlari to‘g‘risida”gi PF-6017-sonli va “Yoshlarning tadbirkorlik faoliyatini qo‘llab-quvvatlash va bandligiga ko‘maklashish, ularni ijtimoiy himoya qilish hamda bo‘sh vaqtini mazmunli tashkil etishga oid qo‘shimcha chora tadbirlar to‘g‘risida”gi 2021-yil 20-martdagi PF-6208-sonli farmonlari hamda O‘zbekiston Respublikasi Oliy ta’lim, fan va innovatsiyalar vazirining 2023-yil 9-avgustdagi “Talaba va yoshlarning bo‘sh vaqtini mazmunli tashkil etish tadbirlarini tashkil etish to‘g‘risida”gi 351-sonli buyrug‘i ijrosini ta’minlash maqsadida universitet rektorining 2023-yil 24-noyabrdagi “Ayollar biznesiga birinchi qadam” tanlovini o‘tkazish to‘g‘risidagi 715-U sonli buyrug‘iga asosan bo‘lib o‘tdi. Mazkur tanlov to‘g‘risida universitetda tahsil olayotgan xotin-qizlar orasida targ‘ibot ishlari olib borildi. Tanlov shartlari universitetning rasmiy sahifalarida e’lon qilindi va talabgorlarning loyihalari qabul qilindi. 2024-yilning 18-yanvar kunida universitet kovorking markazida “Ayollar biznesiga birinchi qadam” texnologik rivojlanish marafonining yakuniy bosqichi bo‘lib o‘tdi. Unda talabalar o‘zlarining innovatsion, startap loyihalari bilan ishtirok etishdi.
Ishtirokchilarning loyihalari quyidagi baholash mezonlariga ko‘ra baholandi:
Bunda ishtirokchining qo‘lga kiritishi mumkin bo‘lgan ball miqdori 40 ballni tashkil etdi.
Tanlovda Isadjanovna Durdona Baxadiyovna 1-o‘rinni, Abdullayeva Lenora Erkin qizi faxrli 2-o‘rinni, Moyliyeva Ro‘zigul Furqat qizi faxrli 3-o‘rinni egalladi. Tanlov g‘oliblari munosib rag‘batlantirildi.
