O`zbekiston Respublikasi bo`ylab joylarda Konstitutsiyamizning 25 yilligi munosabati bilan turli tadbirlar va uchrashuvlar o`tkazilmoqda. Bugungi kunda O`zbekiston o`z Konstitutsiyasiga asoslanib, respublika manfaatlari, shart-sharoiti va xususiyatlariga to`la mos keladigan iqtisodiy islohotlarni amalga oshirmoqda. Shuni aytish kerakki, O`zbekiston Konstitutsiyasi umrboqiy qomusiy hujjatdir. Konstitutsiya— davlatning asosiy qonuni bo`lib, eng yuqori yuridik kuchga ega bo`lgan hujjatdir.Konstitutsiya davlat tuzilishini, uning boshqaruv shaklini, davlat organlarini tuzish tartibi, ularning vakolatlarini, shaxsning huquqi, erkinnligi va burchlarini belgilab qo`yadi. Konstitutsiya me`yorlari bilan jamiyatdagi eng muhim ijtimoiy munosabatlar mustahkamlanadi. O`zbekiston Respublikasi Konstitutsiyasi Oliy Kengash tomonidan 1992 yil 8 dekabrda qabul qilingan.2002 yil 27 yanvarda o`tkazilgan umumxalq referendumi natijalariga ko`ra hamda uning asosida O`zbekiston Respublikasining 2003 yil 24 aprelda qabul qilingan Qonuniga muvofiq Konstitutsiyaning XVIII, XIX, XX, XXIII boblariga o`zgartishlar va qo`shimchalar kiritilgan. 2007 yil 11 apredda qabul qilingan Qonunga asosan Konstitutsiyaning 89 — moddasiga, 93 — moddasining 15 -bandiga,102-moddasining ikkinchi qismiga tuzatashlar kiritilgan. 2008 yil 25 dekabrdagi Qonunga ko`ra Konstitutsiyaning 77-moddasining birinchi qismiga o`zgartish kiritilgan. 2011 yil 18 apreldaga Qonun bilan Konstitutsiyaning 78, 80, 93, 96 — va 98 — moddalariga o`zgarishlar va qo`shimchalar kiritildi.2011 yil 12 dekabrda Konstitutsiyaning 90-moddasining ikkinchi qismiga tuzatish kiritildi.O`zbekiston Respublikasi Konstitutsiyasi: 6 bo`lim, 26 bob va 128 moddadan iborat.O`zbekiston Respublikasining Konstitutsiyasiga o`zgartirishlar Respublika Oliy Majlisining ikkala palatasi deputatlari umumiy sonining kamida uchdan ikki qismidan iborat ko`pchiligi tomonidan qabul qilingan qonun yoki O`zbekiston Respublikasining referendumi bilan kiritildi.
