Hindiston texnik va iqtisodiy hamkorlik (ITEC) o’quv dasturi doirasida 2017-2018 yillar uchun anketalar qabuli boshlandi. Batafsil ma’lumotlarga ega bo’lish uchun itecgoi.in veb-sahifasiga murojaat qilishingiz mumkin.ITEC o’quv dasturida ishtirok etish uchun talab qilinadigan anketalar onlayn rejimida to’ldirilib, so’ngra qog’ozga chiqariladi. Anketalar va boshqa talab qilinadigan hujjatlar rektorning kuzatuv xati bilan Oliy va o’rta maxsus ta’lim vazirligiga, keyinchalik Tashqi ishlar vazirligi orqali Hindiston elchixonasiga taqdim etish uchun yuboriladi. Anketa va boshqa hujjatlar Hindistonning Toshkentdagi elchixonasiga uch oy oldin yuborilishi kerak.Tanlash jarayoni ITECning Hindistondagi bosh qarorgohida bo’lib o’tadi. Tanlov natijalari to’g’ridan-to’g’ri qatnashuvchining o’ziga yoki elchixona orqali etkaziladi.
