Oʻzbekiston Respublikasi Vazirlar Mahkamasining 2021-yil 9-sentabrdagi “Respublika oliy taʼlim muassasalarida talabalarni turar joy bilan qamrab olish darajasini oshirish chora-tadbirlari toʻgʻrisida”gi 563-sonli qarori qabul qilingan. Mazkur qarorda talabalar turar joylarini davlat-xususiy sheriklik asosida xususiy investitsiyalarni jalb qilish orqali barpo etish belgilangan.
Buxoro davlat universitetiga xususiy tashabbuskor “Atobek Bekzod” F/X xususiy korxonasi tomonidan tashabbus taklifi, shu jumladan, loyiha konsepsiyasi taqdim etilgan. Mazkur loyihada Buxoro davlat universiteti uchun (0,3 gektar) hududda 400 oʻringa moʻljallangan talabalar turar joyi binosini qurish va faoliyatini tashkil etish rejalashtirilgan.
Loyiha yuzasidan xususiy sherikni tanlash Oʻzbekiston Respublikasining “Davlat-xususiy sheriklik toʻgʻrisida”gi Qonuni hamda Oʻzbekiston Respublikasi Vazirlar Mahkamasining 2020-yil 26-apreldagi 259-son “Davlat-xususiy sheriklik loyihalarini amalga oshirish tartibini takomillashtirish toʻgʻrisida”gi qarori talablariga binoan amalga oshiriladi.
Ilova qilinayotgan hujjatlar:
1) Loyiha konsepsiyasi;
2) Loyiha haqida maʼlumot.
Mazkur loyihani amalga oshirishdan manfaatdor investorlar 2023-yil 15-oktabrga qadar “Qiziqish bildirish shakli”ni quyidagi manzillarga yuborishlari kerak:
1) Buxoro davlat universiteti manzili: Buxoro sh. M.Iqbol koʻchasi 11-uy.
E-mail: buxdu_rektor@buxdu.uz, telefon raqami: +998(65) 221-29-14.
2) Oliy taʼlim, fan va innovatsiyalar vazirligi manzili: 100095 Toshkent shahri, Talabalar koʻchasi, 7-uy.
E-mail: devonxona@edu.uz, telefon raqami: 71 203-32-23.
3) Iqtisodiyot va moliya vazirligi manzili: 100017 Toshkent shahri, Istiqlol, 29-uy.
E-mail: dxsh@imv.uz, telefon raqami: 71 239-15-69, 239-12-52.
“Davlat-xususiy sheriklik toʻgʻrisida”gi Qonunning 17-moddasiga binoan, qiziqish bildirish uchun soʻrov va tenderlar (takliflar) olingan taqdirda, davlat sherigi tomonidan loyihaning xususiy tashabbuskori va qiziqish bildirgan uchinchi tomonlar ishtirokida xususiy sherikni aniqlash uchun tender oʻtkaziladi.
