Joriy o'quv yilidan boshlab Buxoro davlat universitetining iqtidorli talablari "Ustoz-shogird" tizimi asosida ilmiy rahbarlarga biriktirilganligi bilan bir qatorda universitet rahbar xodimlarga ham biriktirildi.
2022/2023-o'quv yilida "Iqtidorli talabalar oltin fondi" a'zolari 103 nafarni tashkil etadi va ushbu a'zolar teng ravishda universitet rektori hamda prorektorlarga briktirilgan.
2023-yilning 12-iyun kuni universitet rektori Xamidov Obidjon Xafizovich va u kishiga biriktirilgan 21 nafar "Oltin fond" a'zolari bilan davra suhbati o'tkazildi.
Suhbat jarayonlari erkin tartibda va keng mavzu doirasida bo'lib o'tdi. Asosan:
talabalar so'nggi may oyida bo'lib o'tgan uchrashuvdan so'ng erishgan yutuqlari bilan bo'lishdilar.
-Iqtisodiyot va turizm fakulteti talabasi Xusanov Rustambek so'zga chiqib, "Yosh liderlar" loyihasi doirasida AQSHning G‘arbiy Jorjiya universitetida xalqaro-almashinuv dasturi doirasida o'quv seminarlarda faol ishtirok etib qaytganligi hamda safar taassurotlari bilan bo'lishdi.
-Iqtisodiyot va turizm fakulteti talabasi Moyliyeva Ro'zigul so'zga chiqib, "Coworking" markazida yaratilgan imkoniyatlar, innovatsion loyihalar tanlovining o'tkazilganligi unda ko'plab talabalar o'zlarining loyihalari bilan ishtirok etganligi va taassurotlarini bayon etib, o'zining innovatsion loyihasini universitetda tadbiq qilish taklifi bilan muojaat qildi.
-Xorijiy tillar fakulteti talabasi Axtamova Nazokat so'zga chiqib, "Jurnalistlar maktabi"ni tashkil etganligini va unda bir qancha yoshlarni tayyorlayotganligini hamda 13-iyun kuni "Oltin fond" a'zolari tashabbusi bilan 8 ta yo'nalishda fan olimpiadalari va tanlovlar tashkil etilayotganligini ma'lum qildi.
- Filologiya fakulteti talabasi Berdiyorova Sevinch so'zga chiqib, ilmiy-seminar treninglarning tor doirada, fakultetlarda tashkil etilishi bo'yicha o'z taklifini bildirdi.
-Fizika-matematika fakulteti talabasi Xudoyberdiyev Adhambek so'zga chiqib, o'qitish metodikasi yo'nalishida elektron darslik ustida ish olib borayotganligi va ushbu loyiha bilan Tekhnoways loyihalar tanlovida ishtirok etganligi haqida ma'lumot berdi.
-Davra suhbati jarayonlari uzoq davom etib, har bir talaba o'zining erishgan yutuqlari va kelajakdagi rejalari haqida birma-bir so'zga chiqdi.
Universitet rektori Xamidov Obidjon Xafizovich barcha ishtirokchilarning fikrini eshitish, ularning takliflarini qo'llab quvvatladilar.
Hurmatli tashabbuskor, iqtidorli talabalar - universitet rahbar xodimlarining eshiklari siz uchun har doim ochiq!!!
