Jahon matbuoti erkinligi kuni bilan Yangi O`zbekistonning, viloyatimizning, qolaversa, Buxoro davlat universitetining matbuot xodimlarini, shuningdek, qaldirg`ochlarimiz - Jurnalistika yo`nalishining talabalarini chin dildan samimiy qutlayman.
Jurnalistika – global soha. Farovonlik yohud tanqislik, issiq yoki sovuq, osoyishtalik yoki rohatsizlik – jahonning istalgan bir nuqtasida, qanday holat bo`lishidan qat’iy nazar – har jabhada ushbu soha vakillarining faoliyatini his etamiz. Jurnalistlar o'tkir qalami va qudratli so'zi bilan jahonni zabt etishga qodir kuch. Ularning erkinligini ta'minlash, qo'llab-quvvatlash butun dunyoda, jamiyatda hayot haqiqatlarining ro'yobga chiqishi, amalga oshirilayotgan islohotlar, yutuq va kamchiliklarni ro'yi-rost ko'rsatib berilishida, yomon illatlar avj olishining oldini olishda muhim omil sanaladi.
Yangicha fikrli, kreativ va tezkor, adolatni mezon qilgan jurnalistlar, matbuot xodimlari! Bosma nashr yoxud muxbirmisiz, telejurnalist yoki radioboshlovchimisiz, operator yoki matbuot xizmati xodimi bo`lasizmi, xullas, har biringiz jahonning buguni va ertasi uchun ahamiyatlisiz! Iste’dodingiz, salohiyatingiz, haqiqatni yuzaga chiqarishdagi faoliyatingiz taraqqiyotimizni ta’minlaydigan omildir.
Bugun shiddat bilan rivoj topayotgan soha vakillarining erkinligi, mustaqilligi ta'minlanishiga imzo qo'yilgan sana — Jahon matbuoti erkinligi kuni bilan Yangi O`zbekistonning, viloyatimizning, qolaversa, Buxoro davlat universitetining matbuot xodimlarini, shuningdek, qaldirg`ochlarimiz - Jurnalistika yo`nalishining talabalarini chin dildan samimiy qutlayman. Qalamingiz o‘tkir, so‘zlaringiz ravon, chiqishlaringiz ta’sirchan bo`lib, hamisha xalq ardog`ida yuring. Mashaqqatli va oliyjanob faoliyatingizda ulkan muvaffaqiyatlar tilayman. Sihat-salomatlik, baxt-u saodat, ijodiy barkamollik hamisha yor bo`lsin.
Bayramingiz muborak bo‘lsin!
Xamidov Obidjon Xafizovich
Buxoro davlat universiteti rektori,
iqtisodiyot fanlari doktori, professor
