Buxoro davlat universitetida Tabiiy fanlar fakulteti hamda Buxoro viloyat jamoat salomatligini saqlash sanitar epidemiologiya markazi, “Buxoro Agro klaster” MCHJ, “Buxoro Smes”, “Bereket kimyo agro”, “Sirkor Imix” MCHJ, Buxoro viloyat “Jayron ixtisoslashtirilgan pitomnik”, Buxoro viloyat “Ekologiya partiyasi” bo‘limi, “Bahor Shams tekstil” korxonasi, Buxoro shahar Bandlikka ko‘maklashuvchi markaz mutaxassisi, “Sity building group” MCHJlari bilan hamkorlikda "Karyera kuni-2023" mehnat yarmarkasi bo‘lib o‘tdi.
Bitiruvchi talabalar bandligini ta’minlash maqsadida ochiq muloqotlar, davra suhbatlari va kafedralar tomonidan sohaga oid ko‘rgazmalar ham tashkil etildi.
Yarmarkada 15 dan ortiq korxona, tashkilotlar 80 ga yaqin vakansiya bilan qatnashdi. Karyera kunida 120 nafar fakultet bitiruvchi talabalari ishtirok etishdi. Yarmarka davomida 20 dan ortiq ishga joylashish bo‘yicha kelishuvga ega bo‘lindi hamda 5 ta yangi o‘zaro hamkorlik aloqalari o‘rnatildi. Shuni aytish joizki, taklif qilingan korxonalar tomonidan bitiruvchi talabalarga kelgusida stajirovkaga hamda amaliyot va malaka oshirish uchun yetarli darajada imkoniyat, shart-sharoitlar yaratilishi uchun o’z tashkilotlarida kutib olishga va amaliy yordam berilishiga hamma vaqt tayyor ekanligini alohida ta’kidlab o’tishdi. Kelgusida bunday tadbirlarni o’tkazish uchun oʻz tashkilotlarida bevosita oʻtkazilishiga tayyor ekanliklarini aytib o’tishdi.
