Buxoro davlat universitetida Iqtisodiyot va turizm fakulteti hamda Buxoro viloyatida faoliyat olib borayotgan iqtisodiyotning turli tarmoqlari, jumladan, turizm, bank, sug‘urta, soliq, moliya-g‘aznachilik, agroxizmatlar, viloyat hokimligining bir necha boshqarmalari va boshqa xizmat ko‘rsatish korxona va tashkilotlari bilan hamkorlikda "Karyera kuni-2023" mehnat yarmarkasi bo`lib o`tdi. Bitiruvchi talabalar bandligini ta`minlash maqsadida ochiq muloqotlar, davra suhbatlari tashkil etildi.
Shuningdek, kelgusida viloyatning boshqa tuman bo`limlariga fakultet bitiruvchilarini ishga joylashtirish bo`yicha o`zaro uchrashuvlar amalga oshirilishi yuzasidan kelishib olindi.
Yarmarkada 50 dan ortiq korxona tashkilotlar jalb qilingan bo’lib, 300 ga yaqin bitiruvchi talabalar ishtirok etishdi. Yarmarka davomida 30 dan ortiq ishga joylashish bo'yicha kelishuvga ega bo'lindi hamda 10 ga yaqin yangi o'zaro hamkorlik aloqalari o'rnatildi.
