Buxoro davlat universitetida professor-o’qituvchilar, tadqiqotchilar, magistrlar va talaba yoshlar ishtirokida "1st India- Uzbekistan international round table conference on improving education & research -2023” 1-Hindiston-Oʻzbekiston xalqaro konferensiyasi tashkil etildi. Unda respublikaning Biotexnologiya va oziq-ovqat xavfsizligi sohasida kadrlar tayyorlaydigan yetakchi tashkilotlari, Hindiston oliy ta'lim hamda ilmiy-tadqiqot muassasalari, xorijiy ishlab chiqarish korxonalari ishtirok etdi. Konferensiyada Buxoro davlat universiteti Agronomiya va biotexnologiya fakulteti Biotexnologiya va oziq-ovqat xavfsizligi kafedrasi professor o’qituvchilari va 450 dan ortiq xalqaro tadqiqotchilar, oliy ta’lim muassalari rektor, prorektorlari, professor-o’qituvchilar tomonidan soha yutuqlari Oliy ta’lim muassasalarida tashkil etilayotgan imkoniyatlar haqida ma’lumotlar keltirib o’tildi. O‘zbekiston Respublikasi Prezidentining 2020-yil 12-avgustdagi “Kimyo va biologiya yo‘nalishlarida uzluksiz ta'lim sifatini va ilm-fan natijadorligini oshirish chora-tadbirlari to‘g‘risida”gi PQ-4805-son, 2020-yil 25-noyabrdagi “Biotexnologiyalarni rivojlantirish va mamlakatning biologik xavfsizligini ta'minlash tizimini takomillashtirish bo‘yicha kompleks chora-tadbirlar to‘g‘risida” gi PQ-4899 son qarorlarida belgilangan vazifalari ijrosini ta'minlash, universitetda ta'limning yangi pedagogik texnologiyalari va o'qitish uslublarini joriy etishning xalqaro amaliyotga muvofiq ta'lim jarayonini tashkil etish, O'qitishning zamonaviy shakllari va axborot-kommunikatsiya texnologiya vositalarini joriy etgan holda o'quv jarayonini sifat jihatidan takomillashtirish, hamkor oliy ta'lim muassasalari, ilmiy-tadqiqot muassasalari hamda xorijiy ishlab chiqarish korxonalari o'rtasida kadrlar tayyorlash va ilm-fan natijalaridan foydalanish borasida uzviy bog'liqlik, samarali muloqot va hamkorlik yo'lga qo'yish, oziq-ovqat va biotexnologiya sanoati uchun xalqaro standartlar va milliy an'analar uyg'unligida yuqori malakali, zamonaviy bilim va ko'nikmalarga ega, mustaqil fikrlaydigan, vatanparvar kadrlarni tayyorlash hamda institutning oziq-ovqat sohasida xalqaro hamkorlikni yanada kengaytirish kabi yo`nalishlarida hamkorlikda ishlar olib borish o’zaro kelishildi.
