Buxoro davlat universiteti Filologiya fakultetida talabalarning fikrlarini, istaklari, talaba va takliflarini tinglash, muammolarini hal qilish, o'qishga bo'lgan shijoatlarini yanada oshirish maqsadida universitet rektori Obidjon Xamidov va fakultet talabalari o‘rtasida "Rektor va yoshlar" uchrashuvi bo`lib o`tdi.
Uchrashuvda Filologiya fakultetida ayni kerakli kadrlarni yetishayotgani, aynan shu sohalarga talab yuqori ekanligi, o`quv mobaynida talabaning o`z ustida mustaqil ishlashi uchun nimalarga diqqat qilishi yuzasidan tavsiyalar berildi. Mavjud muammolar o`rganildi, takliflar tinglandi.
Ochiq mulooqot shaklida o`tgan uchrashuvda talabalar fakultetda ingliz tilidan boshqa jahon tillarini ham o`rgatilishini yo`lga qo`yish, sport zali tashkil etish, ijodiy amaliyotni olib borish uchun radio, gazeta tashkil etish kabi takliflarni berishdi.
Suhbat davomida talabalar o'zlarini qiziqtirgan savollarga javob olishdi.
