Prezidentimizning Fransiyaga tashrifida kelishilgan masalalar doirasida oliy taʼlim sohasidagi hamkorlikka doir ham bir qancha tadbirlar amalga oshirilishi rejalashtirilgan. Shunday tadbirlardan biri 28-30 noyabr kunlari Fransiya poytaxti Parij shahrida oʻtkaziladigan Oʻzbekiston-Fransiya ikkinchi taʼlim forumidir.
Ushbu forumda universitetning xalqaro hamkorlik boʻyicha prorektori A.Joʻrayev Oʻzbekiston oliy taʼlim muassasalari delegatsiyasi aʼzosi sifatida ishtirok etadi. Forum davomida BuxDU bilan Vatel mehmonxona va turizm biznes maktabi oʻrtasida "Xalqaro mehmonxona menejmenti" qoʻshma magistratura dasturiga oid kelishuv va yoʻl xaritasi imzolanishi, shuningdek bir qator fransuz oliy taʼlim muassalari bilan tanishuv uchrashuvlari oʻtkazilishi rejalashtirilgan.
