Talaba-yoshlarni teatr san’atiga muhabbat ruhida tarbiyalash va ma’naviy kamolotga yo‘naltirish hamda iqtidorli yoshlarga o‘z imkoniyatlarini, iqtidorlarini yuzaga chiqarish maqsadida har yili doimiy ravishda “Talabalar teatr studiyalari” tanlovi o‘tkaziladi.
Bugun tanlovning 1-fakultetlararo bosqichi o‘tkazildi.
Unda quyidagi jamoalar o`zaro "kuch sinashishdi".
1. Iqtisodiyot va turizm fakultetining “Adolat” talabalar teatr jamoasi
2. Filologiya fakultetining “Fitrat” talabalar teatr jamoasi
3. Fizika-matematika fakultetining “Do‘stlik” talabalar teatr jamoasi
4. Tabiiy fanlar “Iste’dodli yoshlar” talabalar teatr jamoasi
5. Xorijiy filologiya “Shekspir izdoshlari” talabalar teatr jamoasi
6. San’atshunoslik fakultetining “Fenomen” talabalar teatr jamoasi
7. Agronomiya va biotexnologiya fakultetining “AGROBIOT” talabalar teatr jamoasi
8. Pedagogik ta’lim fakultetining “Rumiy” talabalar teatr jamoasi
Tanlov yakunida “Eng yaxshi spektakl” nominatsiyasi “Culture Cumph” talabalar teatr jamoasiga “Ishq bo‘stoni yoxud Sharif shahar” sahna ko‘rinishi uchun, “Dolzarb mavzuning sahnaviy talqini uchun” nominatsiyasi “Fitrat” talabalar teatr jamoasi “Usmon Nosir” sahna ko‘rinishi uchun, “Milliy an’ana va qadriyatlarni tarannum etgani uchun” nominatsiyasi “Rumiy” talabalar teatr jamoasining “Super qaynona” sahna ko‘rinishi uchun berildi.
“Eng yaxshi erkak roli uchun” nominatsiyasi “Adolat” jamoasining “Taqdir sinovlari” sahna ko‘rinishidagi Jayron buva roli uchun Xusanov Rustamjon Umidjon o‘g‘liga, “Eng yaxshi ayol roli uchun” nominatsiyasi “Iste’dodli yoshlar” jamoasining “Chimildiq” sahna ko‘rinishidagi Momo roli uchun Jo‘rayeva Gulxayoga, “Eng yaxshi talabalar teatr studiyasi rahbari” nominatsiyasi ”Rumiy” jamoasi rahbari Mohinabonu Shodmonovalarga topshirildi.
