2022-yil 18-noyabr kuni Buxoro davlat universiteti bosh binosining majlislar yig‘ingohida, kuz-qish mavsumini va 2022-yil 15-noyabrdan 15-dekabrgacha “Yong‘in xavfsizligi oyligini namunali o‘tkazish hamda “Aholi orasida is gazidan zaharlanish hamda tabiiy gazdan chaqnash holatlarining oldini olish borasida profilaktik tadbirlarni yanada kuchaytirish, ularning samaradorligini oshirish chora-tadbirlari” mavzusida o‘quv mashg‘ulotining o‘tkazildi.
O‘quv mashg‘ulotini o‘tkazish asosi,- O‘zbekiston Respublikasi Favqulodda vaziyatlar vazirligining 2022 yil 10 noyabrdagi “Favqulodda vaziyatlarni oldini olish va ularni bartaraf etish bo‘yicha Hukumat komissiyasining yig‘ilishining 2022 yil 10 noyabrdagi 49-son bayoni ijrosini vazirlik tizimida rahbarlik va ijro uchun qabul qilish to‘g‘risidagi 527-sonli buyrug‘i va Buxoro viloyat Favqulodda vaziyatlar boshqarmasining 2022-yil 12-noyabrdagi 614-sonli buyrug‘i talablari asosida joriy yilning 15-noyabridan 15-dekabrga qadar “Yong‘in xavfsizligi oyligi” o‘tkazilmoqda.
Shu bilan birga Buxoro shahar Favqulodda vaziyatlar bo‘limining 2022-yil 24-oktyabrdagi 1/09-9-1101 sonli xati asosida, 2022-2023 yilgi kuz-qish mavsumini betalofat o‘tkazish va is gazidan zaharlanishni oldini olish, oliy o‘quv muassasasida tahsil olayotgan talabalar turar joylarini o‘rganish, yong‘in va favqulodda holatlarda insonlarning halok bo‘lishi kabi holatlar sodir bo‘lishiga yo‘l qo‘ymaslik maqsadida universitet professor-o‘qituvchilari, talabalari va ishchi-xizmatchilari targ‘ibot tashviqot tadbirlarini amalga oshirishdan iborat.
O‘quv mashg‘uloti maqsadi: 2022-yil 15-noyabrdan 15-dekabrgacha “Yong‘in xavfsizligi oyligini namunali o‘tkazish va Fuqarolarning is gazidan zaharlanishlarining oldini olish, ularning hayoti va salomatligi xavfsizligini ta’minlash, is gazidan zaharlanish holatlari yuz berganda to‘g‘ri harakat qilish bo‘yicha aholida ko‘nikma hosil qilish.
O‘quv mashg‘uloti qatnashchilari: fakultet dekanlari, ularning yoshlar masalasi bo‘yicha o‘rinbosarlari, tyutorlar, har bir fakultetdan professor-o‘qituvchi, talabalar, departament, bo‘lim boshliqlari, o‘quv binolari komendantlari, TTJ mudirlari hamda ishchi-xizmatchilar ishtirok etishadi.
O‘quv mashg‘uloti ishtirokchi edilar, Buxoro davlat universiteti moliya va iqtisod ishlar bo‘yicha prorektori O‘.U.Rashidov, Buxoro viloyat harbiy prokurori adliya podpolkovnigi M.B.Bozormirzayev, Buxoro viloyat Favqulodda vaziyatlar boshqarmasi boshlig‘ining 1-o‘rinbosari podpolkovnik I.Matchanov, Buxoro shahar Favqulodda vaziyatlar bo‘limi boshlig‘i podpolkovnik B.M.Xudoyberdiyevlar.
Universitet prorektori O‘.U.Rashidov o‘quv mashg‘ulotini ochib, qatnashchilar o‘quv mashg‘uloti mavzusi, o‘tkazish asoslari, asosiy maqsadi, tashkilotchilar hamda olib borish tartib bilan tanishtirib, universitetda 2022/2023 yillar kuz-qish mavsumiga tayyorgarlik ko‘rish, uni namunali o‘tkazish va is gazidan zaharlanish va uni oldini olish bo‘yicha amalga oshirishgan ishlar to‘g‘risida ma’lumot berib o‘tdi.
Buxoro viloyat harbiy prokurori adliya podpolkovnigi M.B.Bozormirzayev so‘zga chiqib, O‘zbekiston Respublikasi davlat bayrog‘i kuni bilan ishtirokchilarni tabriklab, Buxoro viloyat FVB tomonidan amalga oshirilayotgan ishlar harbiy prokuratura tomonidan nazorat tariqasida o‘rganib chiqalayotganligi, qonun talablariga rioya qilinishi haqida to‘xtaldi.
Buxoro shahar Favqulodda vaziyatlar bo‘limi boshlig‘i podpolkovnik B.M.Xudoyberdiyev so‘zga chiqib, O‘zbekiston Respublikasi Favqulodda vaziyatlar vazirligining 2022 yil 10 noyabrdagi “Favqulodda vaziyatlarni oldini olish va ularni bartaraf etish bo‘yicha Hukumat komissiyasining yig‘ilishining 2022 yil 10 noyabrdagi 49-son bayoni ijrosini vazirlik tizimida rahbarlik va ijro uchun qabul qilish to‘g‘risidagi 527-sonli buyrug‘i va Buxoro viloyat Favqulodda vaziyatlar boshqarmasining 2022 yil 12 noyabrdagi 614-sonli buyrug‘i talablari asosida joriy yilning 15 noyabridan 15 dekabrga qadar “Yong‘in xavfsizligi oyligi” o‘tkazilayotganligi, 2022-2023 yil kuz-qish mavsumida is gazi bilan zaharlanish bilan bog‘liq favqulodda vaziyatlar statistikasi, ularning kelib chiqishining asosiy sabablari hamda oldini olish borasidagi mutasaddi tashkilot va idoralarga amaldagi me’yoriy va rahbarlik hujjatlarida belgilab berilgan vazifalar hamda Buxoro shahrida sodir bo‘layotgan yong‘inlar, elektr va issiqlik energiyasi, ko‘mirdan xavfsiz va oqilona foydalanishda texnika va yong‘in xavfsizligi qoidalari hamda joylarda xizmat tomonidan bajarilgan va rejadagi profilaktik tadbirlar, ularni samaradorligini oshirish maqsadida tegishli xizmatlar bilan o‘zaro hamkorlikni yo‘lga qo‘yish haqida gapirib o‘tdi.
Buxoro viloyat Favqulodda vaziyatlar boshqarmasi boshlig‘ining 1-o‘rinbosari podpolkovnik I.Matchanov so‘zga chiqib, aholini is gazi bilan zaharlanish sabablari, dudburon, mo‘rlari tozalanmaganligi va boshqa sabablarni sanab o‘tdi va kuz-qish mavsumida botulizm kasalligi avj olishi, konverva mahsulotlardan zaharlanish, is gazi va botulizmdan zaharlangandan birinchi tibbiy yordam ko‘rsatish to‘g‘risida to‘xtaldi.
O‘quv mashg‘uloti yakunida Is gazidan va botulizm kasalligidan zaharlanish haqida videoroliklar namoyish etildi.
Shu bilan birga yong‘in o‘chirish avtomashinalari va jihozlari namoyish etildi va amaliyotda ishlatilish o‘quv mashg‘uloti ishtirokchilariga namoyish qilib ko‘rsatildi.
