Talabalik – oltin davr. Yaxshiliklar, g`ayrat va shijoatga to`la bu davr har bir oliygoh talabasiga go`zal xotiralar qoldirishi rost gap. Bugun 17-noyabr – "Xalqaro talabalar kuni" munosabati bilan Buxoro davlat universitetida o`tkazilgan tadbir ham talabalar hayotida muhrlanajak go`zal damlardan esdalik bo`ladi, desak also mubolag`a bo`lmaydi.
Tadbir avvalida San’atshunoslik fakulteti talabalarining tasviriy va amaliy ijod namunalaridan ko`rgazma namoyish etildi. Faollar yig`ingohida uyushtirilgan tadbir O`zbekiston Respublikasi Prezidenti Shavkat Mirziyoyevning yoshlarga oid davlat siyosati amaliy mohiyatiga bag`ishlangan video-rolik namoyishi bilan tantanali ravishda boshlandi.
Tadbir mobaynida "Yil talabasi -2022", "Korrupsiya - taraqqiyot kushandasi", "Konstitutsiya - farovon hayotimiz poydevori", "O`zbekiston yoshlari buzg`unchi g`oyalarga qarshi" tanlovlari g`oliblari, "Zakovat" intelektual o`yini g`oliblari, sport va madaniyat sohasida yutuqlarga erishgan talabalar, Yoshlar ittifoqi Kengashi a'zolari hamda fakultet yetakchilari diplom, statuetka, pul mukofoti va esdalik sovg`alari bilan taqdirlanishdi.
Iqtidorli talabalar tomonidan ijro etilgan badiiy-musiqiy kompozitsion dastur, "Quvnoqlar va zukkolar" jamoasi hamda "Talant shou" loyihasi g`oliblarining chiqishlari talabalarga ko`tarinki kayfiyat bag`ishladi.
