2016 yilning 11 martida Buxoro davlat universiteti tashkil etilganining 85 yilligiga bag’ishlangan “Yuqori malakali kadrlar tayyorlashning dolzarb masalalari” mavzusidagi ilmiy-amaliy anjumanga Viloyat xokimi M.T.Esanov, xorijiy mamlakatlar universitetlaridan ko’plab mexmonlar, diplomatik korpus vakillari, Respublikamizning oliy ta’lim muassasalari rektorlari, professor-o’qituvchilari ishtirok etishdi.Jumladan, Germaniyaning O’zbekistondagi favqulodda va muxtor elchisi janob N.X.Vissingni ham tashrif buyurdi. Tantanali anjumandan so’ng Buxoro Davlat Universiteti rektori A.A.To’laganov, elchi janoblari va filologiya fakul’teti, nemis va fransuz tillari kafedrasining bir guruh professor-o’qituvchilari hamda talabalari bilan davra suhbati bo’lib o’tdi. Unda janob N.X.Vissing tashkil qilingan anjuman hamda universitetning 85 yilligi tantanalari juda ko’tarinki ruhda o’tganligini qayt etdi. U o’z nutqida O’zbekistonda ta’lim sohasida olib borilayotgan islohotlarga katta e’tibor qaratilganligi, jumladan, O’zbekiston Respublikasi Prezidentining PQ-1875-sonli Qarori asosida chet tillariga alohida e’tibor berilayotganligi, yoshlarga katta imkoniyatlar yaratilayotganini ta’kidladi. Elchi janoblari davra suhbati davomida nemis tili ta’lim yo’nalishi professor-o’qituvchilari hamda talabalari tomonidan tayyorlangan chiqishlarni katta qiziqish bilan kuzatdi. O’z navbatida ular qo’lga kiritgan yutuqlari hamda chet tillarini o’rganish uchun katta imkoniyatlar yaratilganliginin so’zlab berishdi. Bundan tashqari, kafedra o’qituvchilari tomonidan yozilayotgan “Nemischa-o’zbekcha, o’zbekcha-nemischa lug’at” ham muhokama qilindi. Davra suhbati qizg’in savol-javob va muhokama tarzida davom etdi. Elchi janoblari talabalarni qiziqtirgan barcha savollarga javob berdi va talabalarning chiqishlari juda katta taassurot qoldirganini yashirmadi.Germaniya elchixonasi Gyote Instituti bilan hamkorlikda birinchi bino 3-qavatda joylashgan nemis tili kutubxonasini tashkil qilishda ko’maklashishga va’da berdi.
