O’rta maxsus kasb-hunar ta’limi va xalq ta’limi hududiy boshqaruv organlari, ta’lim muassasalari, korxona va tashkilotlar rahbarlari diqqatiga! 2015/2016 o’quv yilidagi (bakalavriat ta’lim yo’nalishlari va magistratura mutaxassisliklari bo’yicha) Buxoro viloyatidagi barcha oliy ta’lim muassasalari bitiruvchilarini ta’lim muassasalari, korxona va tashkilotlarga ishga taqsimlash va tavsiya etish bo’yicha Buxoro davlat universitetida “Karyera kuni-2016” mehnat yarmarkasi o’tkazilishini ma’lum qilamiz. Yarmarkada Siz korxonangiz (muassasa, tashkilot) uchun zarur, o’z ta’lim yo’nalishi bo’yicha qo’yilayotgan malaka talablariga to’liq javob beradigan, zamonaviy axborot texnologiyalaridan foydalanish malakasiga ega bo’lgan hamda chet tillarni mukammal biladigan, ta’lim bozorida raqobatbardosh kadrlar bilan shartnoma tuzish imkoniyatiga ega bo’lasiz. “Karyera kuni-2016” tadbirida bitiruvchilarni korxonangiz (muassasa, tashkilot) faoliyati bilan yaqindan tanishtirish maqsadida korxona faoliyatini yorituvchi tegishli ko’rgazma jihozlari va bo’sh ish o’rinlari to’g’risidagi ma’lumotlar bilan ishtirok etilishi maqsadga muvofiq bo’lar edi.Mehnat yarmarkasi 2016 yil 22 aprel kuni soat 9:00 dan 16:30 gacha universitet bosh binosi 1-qavatida o’tkaziladi. Qo’shimcha ma’lumotlarni 221-29-14, 221-27-49, (91) 407-44-37 telefonlari orqali olishingiz mumkin. Buxoro davlat universiteti bo’yicha 2015/2016 o’quv yilida bitirayotgan talabalar to’g’risida ma’lumot Buxoro davlat universiteti ma’muriyati Buxoro davlat universiteti bo’yicha 2015/2016 o’quv yilida bitirayotgan talabalar(bakalavr) to’g’risida ma’lumot
