2022-yilning 26-aprel kuni universitetga Rossiya Federatsiyasining V.G.Korolenko nomidagi Glazov davlat pedagogika instituti rektori Yanina Aleksandrovna Chigovskaya-Nazarova boshchiligi delegatsiya, ya’ni Svetlana Albertovna Kasimova - Tarbiyaviy ishlar va yoshlar bilan ishlash prorektor, Ekaterina Yurievna Norkina - institut xodimlari tashrif buyurishdi.
Delegatsiya a’zolarini universitet rektori O.X. Xamidov va Buxoro davlat universiteti huzuridagi Buxoro davlat pedagogika instituti direktori M.I. Daminov va universitet xalqaro hamkorlik bo’limi boshlig’i M.H.Qilichovlar tomonidan kutib olindi. Uchrashuv davomida rektorlar universitetda mavjud imkoniyatlar, olib borilayotgan xalqaro va mahalliy loyihalar, qo’shma ta’lim dasturlari, magistratura mutaxassisliklari, ta’lim islohotlari haqida ma’lumotlar almashlashdi.
Shuningdek, o’zaro hamkorlikda amalga oshirish yo’nalishlari, aniq fanlar kesimida, pedagokika yo’nalishlarida va magistratura mutaxassisliklarida muhokamalar o’tkazildi.
Hamkorlikni yo’lga qo’yish va rivojlantirish maqsadida o’zaro hamkorlik shartnomalari imzolandi.
Shartnomalar imzolanish jarayonidan so’ng delegatsiya a’zolari universitetda talaba va professor-o’qituvchilar uchun yaratilgan infrastruktura bilan tanishtirildi, xususan, qo’shma ta’lim dasturlarini muvofiqlashtirish bo’limi faoliyati, universitet huzuridagi Uzbek-Japan markazi (UJC), ARM, Biznes akselerator, robototexnika markazlari shular jumlasidandir.
