Prezidentimiz Islom Karimov “Milliy timsollar va ramzlarning har biri milliy g’ururimizni yuksaltirishga xizmat qiladi. Ularning har biri katta bir darslik. Kuchli tarbiya vositasidir” deya ta’kidlagan edilar. Haqiqatda ham hayotimizda ramz va timsollarning o’rni katta. Bunga tarix shohid. Vatan ramzlari shu qadar ulug’ va muqaddas sanalganki, uning uchun odamlar jonlarini fido qilganlar. Zero, milliy ramzlar or-nomus, shon-sharaf sanalgan . 2015 yil 17 noyabr kuni soat 1600 da talabalar yotoqxonasida 18 noyabr O’zbekiston respublikasi davlat bayrog’i tasdiqlangan kunga atab “Bayrog’imiz-faxrimiz, g’ururimiz!”mavzusida tadbir o`tkazildi. Tadbirda o’qituvchi Ismoilova M. so’zga chiqdi va talabalarga bayroqni qachon tasdiqlanganligi, undagi ranglarning ma’nosi haqida tushuncha berdi. Yulduzlarning ilohiy timsol bo’lib sanalishi, respublika davlat bayrog’idagi 12 yulduz tasviri ham tarixiy an’analarimiz, qadimgi yilnomamizga bevosita aloqadorligi, 12 yulduzga bo’lgan e’tiborimiz O’zbekiston sarhadidagi qadimgi davlatlar ilmiy tafakkurida nujum ilmi taraqqiy qilganligi bilan izohlanishi haqida gapirib o’tdi. Shundan so’ng katta o’qituvchi Imomova Sh. so’zga chiqib, “ O’zbekiston respublikasining davlat ramzlari haqidagi ayrim qonun hujjatlariga o’zgartirish va qo’shimchalar kiritish haqidagi qonun haqida va qonunchilikka kiritilgan bu o’zgartirishlar xalqimizning asriy qarashlari hayot falsafasiga asoslangani bilan ahamiyatli ekanligi gapirdi . So’ngra 1M guruh talabasi G’afforova Durdona va 3M guruh talabasi Hayitova Gulrux kabi talabalar so’zga chiqib tarixiy vatandoshlarimizning vatan ramzlari yo’lida qilgan jasoratlari haqida gapirdilar. Xususan , Shayx Najmiddin Kubroning jasoratini tarixdan yaxshi bilamiz.Yurt bayrog’ini yov qo’liga topshirishni istamagan Najmiddin Kubro uni qo’lida mahkam tutgancha jon bergan edi. Dushman harchand urinmasin, uning qo’lidan bayroqni tortib ololmaydi, oxiri panjalari bilan kesib oladi . Tug’ini jondan ortiq asragan To’maris, Spitamen, Muqanna, Temur Malik, Amir Temur, Jaloliddin Manguberdi kabi o’nlab sarkardalar hayoti ham yodga olindi Tadbir yakuni talabalar tomonidan berilgan savollar bilan juda qiziqarli bo’lib, ular olgan javoblari hamda tadbirdan olgan taassurotlaridan mamnun holda o’z xonalariga qaytdilar.
