O‘zbekiston Respublikasi Prezidentining 2018 yil 28 noyabrdagi “O‘zbekiston Respublikasi va Fransiya Respublikasi o‘rtasida ikki tomonlama hamkorlikni yana-da kengaytirish va mustahkamlash chora-tadbirlari to‘g‘risida”gi PQ-4037 - sonli qarori bilan tasdiqlangan “Yo‘l xaritasi”da ko‘rsatilgan topshiriqlar hamda joriy yilning 7-8 oktyabr kunlari o‘tkazilgan "O‘zbekiston-Fransiya 1-taʼlim forumi"da kelishilgan masalalar ijrosi bo‘yicha muzokaralar olib borish, shuningdek VATEL mehmonxona va turizm biznes maktabining 40-yilligi munosabati bilan o‘tkaziladigan 15-xalqaro yig‘ilishda ishtirok etish maqsadida Buxoro davlat universiteti rektori O.Xamidov boshchiligidagi delegatsiya ayni paytda Fransiyada xizmat safarida bo‘lib turibdi.Safar rejasi bo‘yicha ishlar 4-noyabr kuni Lion shahridagi IGS Group universitetlar tarmog‘i faoliyati bilan tanishishdan boshlandi. Mazkur universitet bir necha sohadagi yetakchi biznes-maktablarni o‘z tarkibida to‘plagan bo‘lib, Fransiyaning birinchi raqamli nodavlat notijorat oliy taʼlim guruhi hisoblanadi. 200 dan ortiq taʼlim dasturlarini taklif qiluvchi universitetning Fransiya va jahon bo‘ylab 6 ta kampusi mavjud. Bakalavriat va magistratura dasturlaridan tashqari, tashkilot va korxonalar buyurtmasi asosida maxsus kurslar ham taklif etiladi. IGS Group universiteti bilan 7 nafar talaba, o‘qituvchi va mutaxassis almashinuvi bo‘yicha kelishuv imzolandi. IGS Groupning tarkibidagi biznes-inkubator faoliyati bilan ham tanishildi.Shu kunning o‘zida delegatsiya aʼzolari Vatel mehmonxona va turizm maktabining 40 yilligiga bag‘ishlab o‘tkazilayotgan 15-xalqaro yig‘ilish ochilishida ishtirok etishdi. Yig‘ilishda Vatel biznes maktablari tarmog‘ini rivojlantirishga tegishli dolzarb masalalar ko‘rib chiqiladi. Shu kunning o‘zida Vatelning Nim, Bordo (Fransiya), Malaga, Tenerife (Ispaniya), Kuala Lumpur (Malayziya) shaharlaridagi filiallari rahbarlari bilan uchrashuvlar o‘tkazildi. Ushbu filiallar bilan talaba va o‘qituvchi almashinuvi masalalari muhokama qilindi. Dastlabki muzokaralar natijasida 2022 yilda 4 nafar o‘qituvchining BuxDUga kelishi hamda 12 nafar talabaning Vatel filiallariga yuborilishi bo‘yicha kelishuvga erishildi. Safar davom etmoqda.BuxDU Xalqaro hamkorlik bo'limi
