Bugun Buxoro davlat universiteti faollar yig'ingohida rektor Obidjon Xamidov boshchiligida Tabiiy fanlar hamda Jismoniy madaniyat fakulteti 1-bosqich talabalari bilan ochiq muloqot tarzidagi uchrashuv bo'lib o'tdi. Unda BuxDU rahbariyati, Yoshlar ittifoqi boshlang`ich tashkiloti yetakchisi, Yoshlar bilan ishlash, Ma’naviyat va ma’rifat bo`limi, fakultet tyutorlari hamda talabalar ishtirok etishdi.Uchrashuv Prezidentimiz Shavkat Mirziyoyevning yoshlarga murojaati aks etgan video-rolik bilan boshlandi. Uchrashuvda so`zga chiqqan BuxDU rektori Obidjon Xamidov, "Biz bu uchrashuvni, siz bilan yuzma-yuz ko'rishishni intiqib kutdik. Sizning borligingiz sababidan har birimiz faoliyat yuritamiz, o'z ustimizda ishlaymiz, rivojlanamiz. Bugungi uchrashuv kelgusi muvaffaqiyatli ta'limimiz uchun asos bo'lishi kerak" – deya samimiy dil so`zlari bilan talaba-yoshlarga murojaat qildi. Uchrashuv mobaynida talabalarning fikrlari tinglandi, ularni qiziqtirgan savollarga javob berildi. Rektor Obidjon Xamidov tomonidan bo'sh vaqtni mazmunli o'tkazish, o'z ustida ishlash, telefondan ilm maqsadida foydalanish, jahonga bo'ylashish uchun kerakli tavsiyalar berildi. Talabalarni qiynayotgan muammolar eshitildi. Talabalarning maqsadlarini amalga oshirish uchun kerakli yordam berish masalasi ko'rib chiqildi. Talabalar tomonidan berilgan savollarga javob berish asnosida ular bildirgan o`rinli takliflar inobatga olindi.Talaba-yoshlar bilan uchrashuvda Talabalar turar joyi, dars davomida foydalaniladigan o`quv ashyolarini zamon talabiga moslashtirish, Axborot resurs-markazidan foydalanish, masofaviy ta’lim hamda kredit-modul tizimi masalalari borasida ko`plab savollar berildi. Talabalar tomonidan dars mobaynida kerak bo`ladigan qo`shimcha adabiyotlar bilan ta`minlash, Informatika, Matematika, chet-tili, Kimyo kabi fan to`garaklarini yo`lga qo`yish taklifi berildi.Ochiq muloqot, samimiy uchrashuv ko`zlagan maqsadiga yetdi. Bu kabi uchrashuvlar har bir fakultet bilan o`tkazilishi rejalashtirilgan.BuxDU Matbuot xizmati
