O’zbekiston va Indoneziya munosabatlari bir necha yillar davomida rivojlanib kelmoqda. Bugungi kunda Buxoro davlat universiteti va Indoneziya OTMlari bilan yigirmaga yaqin hamkorlik shartnomalari imzolangan. Gunadarma Universiteti bilan Raqamli turizm qo’shma ta’lim dasturi magistr bitiruvchilari mazkur yiqlda ta’limni muvaffaqiyatli yakunlashdi va ikki tomonlama diplomlarga ega bo’lishdi.O’zaro hamkorlik doirasida 2021-yil 15-Oktyabr kuni BuxDU va Gunadarma Universiteti o’rtasida “Medical Tourism in Asia: The Perspectives of Indonesia and Uzbekistan” deb nomlangan amaliy vebinar bo’lib o’tdi. Mazkur uchrashuv onlayn tarzda Zoom platformasi orqali tashkil etildi. Vebinarda ikki mamalakatga hurmat va ehtirom namoyishi sifatida davlat madhiyalari tinglandi.BuxDU rektori professor O.X.Xamidov va Gunadarma Universiteti rektori professor Es.M. Margianti xonim tabrik so’zi bilan vebinarni ochib berdilar. BuxDU Xalqaro hamkorlik bo’lim boshlig’I H.U.To’layeva, “Turizm va mehmonxona xo’jaligi” kafedrasi o’qituvchisi N.Xayrullayeva hamda Gunadarma Universiteti Tibbiyot fakulteti o’qituvchisi Rena Fuji Erin “Tibbiyot turizmi”, uning istiqbollari, O’zbekiston va Indoneziyadagi imkoniyatlar haqida taqdimot qilishdi. Vebinar yakunida qatnashuvchilar bilan savol-javob olib borildi.BuxDU Matbuot xizmati
