Bugun Buxoro davlat universitetiga Kyutahya Dumlupinar universiteti rektori Kazim Uysal hamda Doktorantura instituti direktori Shaxmurat Ariqlardan iborat delegatsiya tashrif buyurdi.P/S: Kyutahya Dumlupinar universiteti – Turkiya Respublikasining Kyutahya shahrida joylashgan. 1992-yilda tashkil etilgan. Talabalar soni 55 mingdan ortiqni tashkil etadi. Universitetning 7 ta fakulteti, 3 ta instituti va 8 ta kasb hunar oliy maktablari bor.- Times-2022 reytingida 1201+ guruhida.Mehmonlarni BuxDU Xalqaro hamkorlik bo‘yicha prorektori Abror Jo`rayev kutib oldi. Delegatsiya a’zolari BuxDUning yangi Axborot resurs markazi bilan tanishishdi. «Islohotlar xalq uchun” targ`ibot markazini ko`zdan kechirishdi. BuxDU va Fransiyaning Vatel mehmonxona va turizm biznes maktabi bilan hamkorlikda tashkil etilgan "Xalqaro mehmonxona menejmenti" qo'shma dasturi bilan tanishtirildi. Ushbu dasturda tahsil olayotgan talabalar bilan suhbatlashildi. Shundan so`ng, BuxDU rektori Obidjon Xamidov huzurida rasmiy hamkorlik uchrashuvi tashkil etildi. Unda Turkiya va O’zbekiston o’rtasidagi iliq hamkorlik aloqalari, BuxDU va Turkiya OTMlari bilan imzolangan shartnomalar, olib borilgan ishlar va kelajakda amalga oshirilishi mumkin bo’lgan ishlar haqida so`z bordi. Professor-o’qituvchilar va talabalar almashinuv dasturlarini yo’lga qo’yish haqida ikki tomon uchun manfaatli takliflar bildirildi. Ikki universitet o'rtasida hamkorlik yo‘nalishlari muhokama qilinib, shartnoma imzolandi.Uchrashuv yakunida BuxDU rektori Obidjon Xamidov tomonidan mehmonlar uchun esdalik sovg`alari ulashildi.Delegatsiya a’zolari universitetdagi markazlar hamda qo`shma dasturlar faoliyati bilan tanishishdi. Mehmonlarga muassasaning binolari, yaratilgan shart-sharoitlar, olib borilayotgan islohotlar, uning bugungi kundagi faoliyati, respublikada tutgan o`rni haqida ma’lumot berildi.Shundan so`ng, Kyutahya Dumlupinar universiteti rektori Kazim Uysal hamda Doktorantura instituti direktori Shaxmurat Ariq Xorijiy tillar fakultetiga tashrif buyurishdi. Talabalarning turli tillardagi sahnaviy chiqishlari, turk tilidagi jonli ijro mehmonlarga iliq taassurot uyg`otgan bo`lsa, o`zbek milliy pishiriqlari bilan uyushtirilgan mehmonnavozlik O`zbekistonning bir bo`lagi bo`lgan Buxoro madaniyati haqida so`zladi.Ushbu tashrif kutilgandan-da ko`proq taassurotlarga, ikki OTM o`rtasidagi muhim qarorlarga boy bo`ldi.BuxDU Matbuot xizmati
