Joriy yilning 13 iyulida Rossiya oliy qishloq xo`jaligi oliy ta’lim muassasasi bo`lgan Volgograd davlat agrar universiteti delegatsiyasi Buxoro davlat universitetiga tashrif buyurdi. Har qanday hamkorlik zamirida ikki tomonlama manfaat yotadi. Agrar sohada ta’lim sifatini yaxshilash, qishloq xo`jaligida olib borilayotgan ilmiy tadqiqot natijalari bilan o`zaro fikr almashish uchun tashkil etilgan iliq va samimiy uchrashuv kutilganidek mazmunga boy hamda ikki tomon uchun ham manfaatli bo`ldi, desak mubolag`a bo`lmaydi.VolDAU rektori V.A.Tseplyayev, Innovatsiyalar va ishlab chiqarish faoliyati bo`yicha prorektor A.V.Solovyev boshchiligidagi delegatsiyaning tashrifidan maqsad Buxoro davlat universiteti faoliyati bilan yaqindan tanishish hamda tajriba almashishdan iborat. Shuningdek, asosiy maqsadlardan biri ikki tomonlama hamkorlik shartnomalarini imzolash bo’ldi.Rossiyalik delegatsiya dastlab BuxDU Agronomiya va biotexnologiya fakulteti faoliyati bilan yaqindan tanishish maqsadida u yerga tashrif buyurib, ilmiy-o’quv laboratoriyalar, fakultet professor-o’qituvchilari bilan yaqindan suhbat o’tkazdi. Uchrashuvni Buxoro davlat universiteti rektori O.X. Xamidov ochib berdi. Rektor universitetda agrar sohada olib borilayotgan ta’limiy va ilmiy faoliyat haqida mufassal ma’lumot berish barobarida xorij universitet va tashkilotlari bilan yo‘lga qo‘yilgan loyihalar, shu jumladan, Rossiyaning universitetlari bilan hamkorlikdagi dasturlar haqida ma’lumotlar keltirdi. Shundan so`ng mehmonlarga Agronomiya va Biotexnologiya fakulteti binosi, o`quv xonalari, tadqiqotchilar uchun yaratilgan shart-sharoitlar hamda sohada olib borilayotgan amaliy ishlarni ko`rish maqsadida laboratoriyalar ko`rsatildi.Uchrashuvda o‘zaro hamkorlik masalalari muhokama qilindi. Volgograd davlat agrar universiteti bilan qo‘shma taʼlim dasturlarini yo‘lga qo‘yish, talabalar akademik almashinuvi, tadqiqotlar masalasida strategiyalarni o`rganib chiqish masalalari ko`rib chiqildi. Tomonlar yaqin kunlar ichida ushbu masalalar bo‘yicha amaliy ishlarga o‘tishga kelishib oldilar.VolDAU rektori samimiyat ila kutib olishgani uchun minnatdorchilik bildirgan holda universitetning BuxDU bilan yo‘lga qo‘yilishi mumkin bo‘lgan ilmiy yo‘nalishlar bo‘yicha kelishib olindi. Yig‘ilish so‘nggida VolDAU delegatsiyasiga esdalik sovg‘alari ulashildi.Buxoro davlat universiteti Matbuot xizmati
