O’zbekiston Respublikasi Oliy va o’rta mahsus ta’lim vazirining buyrug’i (pdf) bilan Oliy ta’lim muassasalari magistratura mutahassisliklari talabalari tomonidan stajirovkani o’tash tartibi to’g’risidagi nizom tasdiqlandi.Mazkur nizom talablari Prezident huzuridagi Davlat boshqaruvi akademiyasi, Bank-moliya akademiyasi va Korporativ boshqaruv ilmiy ta’lim markaziga, O’zbekiston Respublikasi hududida o’z faoliyatini yuritayotgan, o’rnatilgan tartibda faoliyati hususiyatlari inobatga olinib, magistrlar tayyorlashni amalga oshirayotgan halqaro va horijiy OTMlariga, shuningdek, yuridik ta’lim muassasalariga tatbiq etilmaydi.Stajirovka magistratura talabasining ilmiy-tadqiqot ishlari taqozo etganda individual ilmiy izlanish va tajriba-sinovlarni o’tkazish maqsadida tashkil etiladi va magistratura talabalari OTM kengashi tavsiyasiga muvofiq stajirovka o’tashga yuboriladi.Magistratura talabalari stajirovkani stajirovka o’tash dasturi asosida ishlab chiqarishda, ilmiy-tadqiqot muassasasida yoki horijda o’tashi mumkin.Magistratura talabasi birinchi semestrni (birinchi kursni) muvaffaqiyatli tugatgandan so’ng stajirovka o’tashga yuboriladi. Stajirovka rejalashtirilayotganda uning yakuniy davlat attestasiyasi boshlanishiga ikki oy qolgunga qadar yakunlanishi hisobga olinishi zarur.Magistratura talabasi stajirovka o’tab bo’lgandan so’ng stajirovka bo’yicha yozma ravishda hisobot tayyorlaydi.
