Prezidentimiz tomonidan qayd etilgan muhim vazifalardan kelib chiqib, Buxoro davlat universiteti o‘z oldiga qo‘ygan maqsad va rejalari ijrosiga kirishdi. Universitetning Agronomiya va biotexnologiya fakulteti jamoasi professor-o‘qituvchilari joriy yilning 21 iyul kuni Buxoro tumanida joylashgan “Gala River” qo‘shma korxonasiga tashrif buyurdilar. Tashrif davomida “Gala River” qo‘shma korxonasi bilan ilm fan, ishlab chiqarish integrasiyasi bo‘yicha rejalar ishlab chiqib, ikki tomonlama hamkorlik o‘rnatildi. “Gala River” qo‘shma korxonasidagi faoliyatni takomillashtirish hamda Oliy ta’limda kadrlar tayyorlash bo‘yicha qo‘shma korxona xududida kafedra filialini tashkil etish, viloyatda uzum yetishtirish, uni sanoat usulida qayta ishlashni rivojlantirish hamda hududlar tuproq iqlim sharoitidan kelib chiqib, uzum navlari ustida ilmiy amaliy izlanishlarni yo‘lga qo‘yish bo‘yicha muzokaralar olib borildi. Bugungi kunda qo‘shma korxona 40 ta fermer xo‘jaliklari bilan hamkorlikni o‘rnatib, 397 gektar yer maydonida uzumning 30 dan ortiq navini yetishtirib, qayta ishlab, ishlab chiqilgan yarim tayyor maxsulotni Rossiya va Qozog‘iston davlatlariga eksportga yo‘naltirmoqda. Shuningdek, muloqot davomida fakultet olimlari tomonidan korxonaga qarashli 55 gektar yosh uzumzor maydonlari o‘rganilib, mazkur uzumzorlar hosildorligini oshirishga qaratilgan ilmiy tavsiyalar berib borishga kelishildi.BuxDU Matbuot xizmati
