Bugungi kunda universitet olimlari tomonidan Buxoro viloyati hududlari tumanlar kesimida iqtisodiy samaradorlik imkoniyatlari boʼyicha tahlil qilinmoqda hamda har bir tumanning innovatsion rivojlanish yoʼnalishlari belgilab olinmoqda. Ushbu yoʼnalishda muammolar bazasi shakllantirildi hamda ilmiy-tadqiqot ishlari ushbu muammolar yechimiga yoʼnaltirildi. Oʼzbekiston Respublikasi Prezidentining 2021 yil 1 apreldagi “Ilmiy va innovatsion faoliyatni rivojlantirish boʼyicha davlat boshqaruvi tizimini takomillashtirish toʼgʼrisida”gi 6198-sonli Farmonida nazarga tutilgan vazifalar boʼyicha ilmiy-tadqiqot faoliyati tashkil etildi. Xususan, ushbu qarorda Buxoro viloyati Romitan tumanini innovatsion hududga aylantirish vazifasi belgilangan edi. Universitet professor-oʼqituvchilari tomonidan ishlab chiqilgan qishloq xoʼjaligi yoʼnalishi boʼyicha:- Buxoro viloyati yerlarini soya oʼsimligini ekish orqali unumdorligini yaxshilash va birlamchi urugʼchiligini tashkil etish;- Buxoro viloyatida granulali omuxta yem ishlab chiqarishni tashkil etish;- Mikroskopik suv oʼtlari va yuksak suv oʼsimliklarini ishlab chiqarish va qishloq xoʼjalik korxonalaridan chiqadigan oqova suvlarda koʼpaytirish, suvlarni organo-mineral moddalardan tozalash va hosil boʼlgan biomassani baliqchilikda ozuqa sifatida qoʼllash biotexnologiyasini joriy qilish;Sanoat yoʼnalishi boʼyicha:- Resurs tejamkor ohorlovchi polimer-kompozitsiyalar (texnik-kraxmal) yaratish va toʼqimachilik korxonalarida joriy etish;- Toʼqimachilik va pardozlash korxonalarida hosil boʼladigan oqova suvlarni kimyoviy usulda tozalash texnologiyasini joriy etish loyihalari Romitan tumanini innovatsion hududga aylantirish boʼyicha amalga oshiriladigan ishlarning “Chora-tadbirlar dasturi”ga kiritilgan edi.Joriy yilning 14 iyunь kuni Innovatsion rivojlanish vazirligi Hayʼatining navbatdagi yigʼilishi oʼtkazildi. Hayʼat Buxoro davlat universiteti Iqtisodiyot kafedrasi dotsenti, i.f.n. M.А. Oripov rahbarligida ishlab chiqilgan “Buxoro viloyatida granulali omuxta yem ishlab chiqarishni tashkil etish” loyihasini moliyalashtirishga qaror qildi. Moliyalashtirish summasi 454 mln. soʼmni tashkil etadi.Granulali omuxta yem ozuqani qoramol yaxshi hazm qilishi, ularni mahsuldorligini oshirishi hamda olinadigan birlik mahsulotga chorva ozuqasi sarf-xarajatlarni qisqartirish imkoniyati beradi.Mazkur loyiha, “Novator chorvador” MChJ tomonidan Buxoro viloyati Romitan tumanidagi "Gʼaforobod" fermer xoʼjaligida ajratilgan ishlab chiqarish binosida amalga oshirilishi kelishib olingan.Hozirgi kunda, Romitan tumanini innovatsion hududga aylantirish boʼyicha amalga oshiriladigan ishlarning “Chora-tadbirlar dasturi”ga kiritilgan boshqa loyihalarning ham moliyalashtirish masalalari koʼrib chiqilmoqda.Buxoro davlat universiteti rahbariyati Oʼzbekiston Respublikasi Innovatsion rivojlanish vazirligi hamda Buxoro viloyati Innovatsion rivojlanish boshqarmasiga ushbu loyihalar bo’yicha amalga oshirilayotgan hamkorlik ishlari uchun minnatdorchilik bildiradi.Ilmiy-innovatsion ishlanmalarni tijoratlashtirish bo’limi boshlig’i O.O. Sayfullayev
