O'zbekiston Respublikasi Prezidentining 2020-yil 30-oktyabrdagi PF-6099-son "Sogʻlom turmush tarzini keng targ'ib etish va ommaviy sportni yanada rivojlantirish chora-tadbirlari toʻgʻrisida"gi Farmoniga muvofiq Buxoro viloyatidagi uyushmagan yoshlar o'rtasida sportning mini-futbol turi bo'yicha Buxoro davlat universiteti "Rektor kubogi" musobaqasining final bosqichi bo`lib o'tdi. Unda 13 ta tumandan tashrif buyurgan jamoalar o'zaro kuch sinashdilar. Uchinchi o'rin uchun bahslarda Buxoro shahar hamda Romitan tumani jamoalari bellashdilar, ushbu o'yinda Buxoro shaharliklar 4:3 hisobi bilan 3-o'rinni egalladilar. Shiddatli o'tgan o'yinlarda Olot tumani hamda Shofirkon tumani jamoalari finalda o'ynadilar. Ushbu uchrashuvda hisob 6:5 qayd etildi va Olot tumani jamoasi Rektor kubogi sohibi bo'ldi.Final o'yinidan so'ng taqdirlash marosimi o'tkazildi. Rektor kubogi sovrindorlariga hamda o'yinlarni boshqargan hakamlarga sport kiyimlari, futbol to`pi, diplom, medal hamda qimmatbaho sovg'alar topshirildi.BuxDU Matbuot xizmati
