Universitetimiz bilan Rossiya Federatsiyasining Ural davlat iqtisodiyot universiteti bilan turli yo‘nalishlarda hamkorlik qilib kelmoqda. Shu jumladan joriy yilning 5-7 aprel kunlari Toshkent shahrida bo‘lib o‘tgan Innoprom sanoat haftaligi doirasida ham ikki universitet rektorlari uchrashishgan hamda hamkorlik munosabatlarini rasmiylashtirish maqsadida o‘zaro hamkorlik shartnomasini imzolash kelishilgan edi.20-aprel kuni UrDIUda o‘z ishini boshlagan “XI Yevroosiyo yoshlar iqtisodiy forumi” doirasida hamkorlik shartnomasi hamda yo‘l xaritasini onlayn ravishda imzolash marosimi bo‘lib o‘tdi. Marosimda tabrik so‘ziga chiqqan rektor O.Xamidov UrDIU bilan aloqalarni turli yo‘nalishlarda mustahkamlab borish niyati haqida gapirib, forum ishiga muvaffaqiyatlar tiladi. O‘z navbatida UrDIU rektori Y.Silin Buxoro davlat universitetini mamlakatimizning yetakchi oliy taʼlim muassasalaridan biri ekanligini taʼkidlab, birgalikda turli o‘quv, ilmiy va uslubiy hamkorlik qilishdan manfaatdor ekanliklarini aytib o‘tdi.Forum o‘z ishini davom ettirmoqda. Forumda kelgusi yillarda BuxDU talaba va tadqiqotchilari ham ishtirok etishlari rejalashtirilgan.Maʼlumot uchun:Ural davlat iqtisodiyot universiteti 1967 yilda tashkil qilingan bo‘lib, Yekaterinburg shahrida joylashgan. Talabalar soni 17 ming nafardan, professor-o‘qituvchilar tarkibi 550 nafardan ortiq. Rasmiy vebsayt: www.usue.ruBuxDU Xalqaro hamkorlik bo'limi
