Bugungi kunda mamlakatimizda taʼlim yo‘nalishida Finlyandiya bilan ikki tomonlama hamkorlikning yo‘lga qo‘yilishiga eʼtibor berilmoqda. Yaqinda finlyandiyalik mashhur taʼlim investori Piter Vesterbaka, uning biznes hamkori Garri Suominen va Finlyandiyaning O‘zbekistondagi faxriy konsuli A.Jo‘rayev boshchiligidagi delegatsiyaning O‘zbekistonga tashrifi doirasida Buxoro viloyatida ham uchrashuv o‘tkazilgan va unda Buxoro davlat universiteti bilan EduNation kompaniyasi o‘rtasida hamkorlik shartnomasi imzolangan edi.Kuni kecha hamkorlikning uzviy davomi sifatida Finlyandiya hamda O‘zbekiston OTMlari, Ta’lim sifatini nazorat qilish davlat inspeksiyasi, xalq taʼlimi sohasi vakillari ishtirokida onlayn uchrashuv o‘tkazildi. Uchrashuvda BuxDU rektori O.Xamidov so‘zga chiqib, universitetda taʼlimda Finlyandiyaning ilg‘or tajribasini qo‘llash, axborot texnologiyalarini rivojlantirishga yo‘naltiriladigan markazni tashkil etish hamda unga finlyandiyalik mutaxassislarni jalb etish taklifini bildirdi. Finlyandiya tomoni mazkur taklifni amalga oshirish maqsadga muvofiq deb hisoblagan holda, ushbu yo‘nalishda hamkorlikda ish olib borishga tayyor ekanliklarini taʼkidlab o‘tdi.BuxDU Xalqaro hamkorlik bo'limi
