Buxoro Davlat Universiteti Tabiiy fanlar fakulteti Biologiya kafedrasi o’qituvchisi A.Raximov va Kimyo kafedrasi o’qituvchisi M.Amonovalarning “BuxDU qoshidagi kompyuter va axborot texnologiyalari” akademik litseyida “OITS va uning zararli oqibatlari” mavzusida 26-oktabr kuni davra suhbati o’tkazildi. Bunda litseyning barcha I va II va III kurs talabalari ishtirok etishdi. Tadbirni akademik litsey direktori A.S.Ziyayev kirish so’zi bilan ochib berdi. Shundan so’ng Biologiya kafedrasi o’qituvchisi A.Raximov so’zga chiqib, “OITS va uning kelib chiqish sabablari va yuqtirish usullari” mavzusida ma’ruza qildilar. Unda bugungi kunda mamlakatimiz va jahonda insoniyatga eng ko’p xavf solayotgan kasallik OITS to’g’risida, uning kelib chiqishi va yuqtirish usullari, bundan inson o’zini hamda jamiyatni qanday qilib himoya qilishini batafsil tushuntirib o’tdilar. Undan so’ng Kimyo kafedrasi o’qituvchisi M.Amonova “OITS va uning zararli oqibatlari va halokatli ta’siri” mavzusida ma’ruza qildilar. Bunda kasallikni zararli oqibatlari bilan birgalikda kasallangan shaxs o’zidan tashqari boshqalarni hayotini ham xavf ostiga qo’yishi mumkinligi haqida ham alohida to’xtalib o’tildi.Davra suhbati davomida akademik litsey talabalari bilan OITS va uning zararli oqibatlari, halokatli ta’siri, kelib chiqishi va yuqtirish usullari haqida savol-javob qilindi va videolavha ko’rsatildi.
