Buxoro davlat universiteti rektori iqtisodiyot fanlari doktori, professor O.X.Xamidov boshchiligidagi bir guruh professor-o’qituvchilar, universitet yoshlar bilan ishlash bo’yicha prorektori A.M.Qodirov, Agronomiya va biotexnologiya fakulteti dekani Biologiya fanlari doktori H.T.Artiqova, fakultet o’quv ishlari bo’yicha dekan o’rinbosarlari N.J.Jo’rayev, fakultet yoshlar bilan ishlash bo’yicha dekan o’rinbosari I.R.Barakayev, biologiya kafedrasining katta o’qituvchisi B.I.Jabborov va fakultet yoshlar ittifoqi yetakchisi Nilufar Asadova hamda biologiya fanlari doktori, professor A.E.Xolliyevlar 2021 yilning 18-aprel kuni viloyatimizning Qorako’l tumanidagi Qorako’l Akademik litseyida bo’ldilar. Akademik litseydagi umumiy ahvol jumladan, talabalar turar joyidagi shart-sharoitlar, sport majmuasi, maydonchalari, sport turlari uchun anjomlar, laboratoriya xonalari, o’quv xonalari, talabalarning fanlaridan o’zlashtirish darajasi, turli kasblarni tanlash bilan bog’liq qiziqishlari, ular bilan bog’liq talabalarni qiziqtiruvchi savollar, yoshlarga berilgan turli imkoniyatlar borasida suhbatlar savol – javoblar uyishtirildi.Yuqoridagilar bilan birga olimpiada bosqichini o’tkazish 1,2,3 – o’rinlarni olgan bitiruvchi talabalarni universitetga davlat granti asosida imtiyozli qabul qilinishi aytildi. Talabalarning faolligi qiziqishlari, hayotga va kasb tanlashga bo’lgan munosabatlari o’rganildi. Til o’rganish ayniqsa ingliz tilini chuqur o’rgangan akademik litseydagi IELTS olgan talabalarni 300 talikka kirgan oliy o’quv yurtlariga qabul tartibi Buxoro davlat universiteti va yangi ochilgan Buxoro davlat pedagogika Institutiga qabul imkoniyatlari kvotalari tartibi aytilib, bitiruvchilarning taklifi to’g’risidagi ma’lumotlarga to’xtaldi. Shu bilan birga el – yurt umidi jamg’armasiga a’zo bo’lishi u orqali tegishli oliy o’quv yurtida o’qish tartibi, imkoniyatlari borasida to’xtalib o’tildi.Akademik litseyga respublikamizning turli viloyatlaridan kelgan talabalar bilan qiziqishi, intilishi, kasb tanlashiga munosabatlari borasida ham savol – javoblar bo’ldi. Akademik litsey direktor o'rinbosari G’.Jumaqulovga universitetda 24-aprel kuni akademik litsey talabalari va Qorako’l Olot tumanidagi maktab bitiruvchi sinf o’quvchilari uchun ochiq eshiklar kuni o’tkazilishi, dastlab universitetning o’quv va laboratoriya xonalari, muzeylari, sport inshootlari bilan tanishish, fanlardan qiziqtirgan savollarga javob olish, tarixiy, madaniy obidalarga ekskursiya qilish masalalari rektorimiz tomonidan taklif qilindi.Akademik litsey talabalarning sport musobaqalari uyishtirildi. Suhbat va musobaqa so’ngida universitetning Agronomiya va biotexnologiya fakulteti professor o’qituvchilarining, talabalarning yaxshi o’qib, jamiyatimiz, vatanimiz rivojiga hissa qo’shishlarida, fakultetimizda astoydil o’qishlari bilim olishlari uchun barcha shart – sharoitlari yaratilganligi borasida fakultet dekani Biologiya fanlari doktori H.T.Artiqova va biologiya kafedrasi katta o’qituvchi B.I.Jabborovlar o’z so’zlarida batafsil misollar asosida to’xtaldilar.Akademik litsey talabalarining o’qib o’rganishi uchun kitoblar, sport anjomlari, maishiy jihozlar, COVIDdan himoyalanish vositalari kabilarni yetkazib berdilar. Ushbu uchrashuv va qiziqarli savol javoblar, berilgan taklifklar, kasbga bo’lgan qiziqishlar o’rganilib, ularni yo’naltirishdagi faoliyat barchada o’z tassurotlarini qoldirdi. Universitet rektori boshchiligidagi professor-o’qituvchilar jamoasi jumladan Agronomiya va biotexnologiya fakultetining a’zolari Olot tuman xalq ta’limiga tegishli bo’lgan 3 va 5-sonli o’rta umumta’lim maktablarida Nurafshon va Arabxona MFYlarida bo’lib maktablar hayoti, ahvoli o’quvchilarning o’zlashtirish darajasi, fanlarga bo’lgan qiziqishi ekologik ong, tushuncha va dunyoqarashlari o’rganilib, tegishli savol javoblar asosida professor A.E.Xolliyevning bu boradagi ishlari ilmiy ish tajribalari natijalari o’rganildi. BuxDU Matbuot xizmati hamda Agronomiya va biotexnologiya fakulteti ma`lumoti asosida tayyorlandi
