20-aprel kuni xallqaro hamkorlik bo‘yicha prorektor A.Jo‘rayev Turkiyaning Pamukkale universiteti Iqtisodiyot va boshqaruv fakulteti dekani prof. Ersan Yeshilyurt hamda Iqtisodiyot kafedrasi mudiri prof. Reshat Jeylan bilan onlayn uchrashuv o‘tkazdi. Uchrashuvda Pamukkale universiteti bilan hamkorlikda “Iqtisodiyot” bakalavriat yo‘nalishida qo‘shma ta’lim dasturini yo‘lga qo‘yish masalasida fikr almashildi.Prorektor A.Jo‘rayev tomonidan dastlab mavjud yo‘nalishlar doirasida talaba almashinuvini amalga oshirish, qo‘shma ta’lim dasturi masalasi esa keying bosqichlarda ko‘rib chiqilishi maqsadga muvofiq bo‘lishi borasida fikr bildirildi. Ushbu taklif Pamukkale universiteti tomonidan ham maqsadga muvofiq deb topildi.Uchrashuvda yaqin kunlar ichida ikkala tomon iqtisodiyot va turizm fakultetlarini o‘zaro tanishtirish hamda ilmiy va uslubiy sohalarda hamkorlik masalalarini muhokama qilish uchun kengroq tarkibda uchrashishga kelishib olishdi.Ma’lumot uchun:Pamukkale universiteti Turkiyaning Denizli shahrida joylashgan bo‘lib, 1992-yilda tashkil etilgan. Hozirgi kunga qadar universitetni 117 ming nafarga yaqin talaba bitirgan. Ayni paytda universitetda 52,3 ming talaba taʼlim olib, 760 nafardan ortiq doktorant, 2200 nafarga yaqin pedagog xodim hamda 1400 nafardan ortiq xodimlar faoliyat ko‘rsatishmoqda. Turli akademik reytinglarda Pamukkale universiteti jahonda 1300-1800 oralig‘ida o‘rin egallab kelmoqda. Universitet tarkibiga 16 ta fakultet, 6 ta institut, 3 ta texnikum, 17 ta kasb-hunar oliy maktabi, 42 ta taqdiqot va amaliyot markazi kiradi.Universitetning ingliz tilidagi vebsayti: https://www.pau.edu.tr/pau/enBuxDU Xalqaro hamkorlik bo'limi
