Bugungi zamonaviy jamiyatimiz yoshlarini har tomonlama mukammal ta'lim-tarbiyali hamda yuqori salohiyat egasi qilib tarbiyalashda barchamizdan katta mas'uliyatni talab etadi. 3-fevral kuni Universitet faollar zalida Tabiiy fanlar fakulteti jamoasi, Universitet professor o'qituvchilari hamda talabalarning ota-onalari ishtirokida "Yoshlarga e'tibor - Kelajakka e'tibor" mavzusida davra suhbati tashkil etildi. Dastlab so'zga chiqqan Yoshlar bilan ishlash bo'yicha prorektor Arif Mahmudovich Kadirov ota-onalarga mana shunday dargohda ilm olayotgan farzandlarni tarbiyalaganlari uchun o'z minnatdorchiligini bildirar ekan, bugungi kunda yoshlar tarbiyasi o'ta dolzarb masalaga aylanib ulgurganiga alohida to'xtalib o'tdi. Suhbat davomida R.G'.Jumayev ota-onalarni yangi kredit-modul tizimi bilan batafsil tanishtirdi. Ota-onalar o'zlarini qiziqiqtirgan savollarga fakultet dekani hamda dekan muovinlaridan javob olishdilar.BuxDU Matbuot xizmati
