11.01.2022

Barchamizga maʼlumki, bugungi kunda Finlyandiya taʼlim tizimi jahondagi eng ilg‘orlardan biri sifatida tan olingan. Ushbu taʼlim tizimi o‘quvchi va talabalarda amaliy ko‘nikmalarni rivojlantirishga yo‘naltirilganligi, informatsion texnologiyalar keng qo‘llanishi, tadbirkorlik faoliyati uchun zarur bo‘lgan malakalarni shakllantirishi bilan ajralib turadi.11 aprel viloyat hokimligida finlyandiyalik jahon mashhur tadbirkor, turli startaplar tashkilotchisi, Rovio kompaniyasi marketing direktori sifatida faoliyat ko‘rsatgan, FinEst Bay Area, MobileMonday, EduNation kabi kompaniyalar asoschisi, startaplar bo‘yicha eng yirik konferensiya bo‘lgan Slush tashkilotchisi Piter Vesterbaka bilan uchrashuv bo‘lib o‘tdi. Uchrashuvda shuningdek Finlyandiyaning O‘zbekistondagi faxri konsuli Alisher Jo‘rayev, O‘zbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi vakillari ham ishtirok etishdi.Uchrashuvda o‘zaro hamkorlik masalalari muhokama qilindi. Buxoro davlat universiteti rektori prof. Obidjon Xamidov mehmonlarga universitet haqida asosiy maʼlumotlarni berib o‘tar ekan, hamkorlikning ustivor yo‘nalishlari, xususan axborot texnologiyalari, turizm, biotexnologiyalar, raqamli iqtisodiyot va boshqa sohalarda qisqa muddatli malaka oshirish kurslarini tashkil etish, Finlyandiya universitetlari hamda kompaniyalarida malaka oshirish va stajirovkalar o‘tashni tashkil qilish masalalarida hamkorlikka tayyor ekanliklarini maʼlum qildi. Uchrashuvda EduNation kompaniyasi bilan hamkorlik memorandumi imzolandi. Memorandumni EduNation vitse-prezidenti va taʼsischilaridan biri Garri Suominen imzoladi.BuxDU Xalqaro hamkorlik bo'limi