11.01.2022

Internet tarmog‘idagi telegram kanallarda joriy yilning 26 fevral kuni Buxoro davlat universiteti bo‘ylab vazirlik kanaliga obuna bo‘lish bo‘yicha fotolavha tarqaldi.Mazkur holatlar yuzasidan Buxoro davlat universiteti tomonidan quyidagicha izoh beriladi:Mamlakatimizda istiqlolning dastlabki yillaridan boshlab ta’lim-tarbiya tizimini tubdan isloh qilishga alohida e’tibor qaratilib, farzandlarimizning jahon andozalari darajasida zamonaviy bilim va kasb-hunarlarni egallashi, jismonan va ma’nan yetuk insonlar bo‘lib ulg‘ayishi, ularning qobiliyat va iste’dodini, intellektual salohiyatini yuzaga chiqarish, yosh avlod qalbida Vatanga sadoqat va fidoyilik tuyg‘ularini yuksaltirish borasida ulkan ishlar amalga oshirilmoqda.Keyingi yillarda mamlakatimiz oliy ta’lim tizimida bir necha o‘n yilliklarga tatiydigan o‘zgarishlar yuz berdi desak, adashmaymiz. Yurtboshimiz Shavkat Mirziyoyevning oliy ta’lim tizimini yanada rivojlantirish, OTMning moddiy-texnik bazasini mustahkamlash, professor-o‘qituvchilar malakasini oshirishdan tortib, oliy o‘quv yurtidan keyingi ta’limni ham qamrab oladigan qarorlari ushbu sohani isloh qilishda dasturlamalar bo‘layotir.Oliy ta’lim tizimida amalga oshirilayotgan islohotlar hamda ta’lim tizimidagi muammolar bo‘yicha aniq va tezkor yangiliklar vazirlikning Telegram ijtimoiy tarmog‘idagi https://t.me/eduuz rasmiy kanalida berib borilmoqda. Universitetda faoliyat olib boruvchi pedagog-xodimlar, talabalar va ularning ota-onalarini mazkur kanalga a’zo bo‘lishlari tavsiya qilinmoqda.Targ‘ibot-tashviqot ishlarini amalga oshirishdan maqsad ijtimoiy tarmoqlardagi RASMIY VA NORASMIY kanallarda ta’lim tizimi bilan bog‘liq berib borilayotgan asossiz xabarlarga ishonmaslik hamda ularni tarqatmaslik maqsad qilingan.Targ‘ibot-tashviqot ishlarini quyida keltirilgan kanallar orqali ham ko‘rishimiz mumkin.Xulosa o‘rnida, BuxDU bo‘ylab tarqalgan suratdagi xabarda targ‘ibot ishlarini yetarli darajada olib borish uchun ko‘rsatma berilgan. Pedagog-xodim va talabalarni MAJBURAN OBUNA QILISH EMAS balki ta’lim tizimi bilan bog‘liq tezkor xabarlardan xabardor qilish borasida targ‘ibot-tashviqot ishlarini olib borishlari belgilangan. Shuningdek, ushbu surat orqali “Majburiy obuna” degan ibora noo‘rin hisoblanib, o‘tgan vaqtlardagi singari “Majburiy obuna” ya’ni matbuot nashrlariga obuna bo‘lish yoki “Majburiy mehnat” dala ishlariga jalb etish orqali pedagog-xodim va talabalarni majburan ishlatish yoki moddiy jihatdan xarajat qilishga undalmagan. Oliy ta’lim vazirligining rasmiy kanaliga a’zo bo‘lishi so‘ralgan bo‘lib, pedagog-xodim, talaba va ota-onalardan yangiliklarni kuzatib borish va tezkor xabarlardan xabardor bo‘lishlari uchun ko‘rsatma berilgan.Bundan tashqari bugungi kunda universitet talabalari soni 2018 yilga nisbatan 3 barobarga oshgan bo‘lib, 22000 nafarga yetgan. Aksariyat talabalar ta’lim tizimida amalga oshirilayotgan islohotlardan hanuzgacha bexabar bo‘lib turli ijtimoiy tarmoqlardagi xabarlarga tayangan holda fikrlamoqda. Ijtimoiy tarmoqlarda berilayotgan xabarlarga munosabat bildiruvchi va kuzatuvchilar ta’lim tizimida amalga oshirilayotgan islohotlardan BuxDU talabalarining barchasi xabardorligi bo‘yicha aniq ma’lumot bera oladimi? Albatta yo‘q..Buxoro davlat universiteti rahbariyati turli telegram kanallarini yurituvchi shaxslarni viloyatimizdagi nufuzli oliy ta’lim dargohi bo‘lgan Buxoro davlat universiteti, shuningdek viloyatimiz obro‘si va sha’niga nisbatan ijtimoiy tarmoqlarda asossiz chiqishlarni amalga oshirmasliklarini hamda xalqimizning qadriyati bo‘lgan sharqona axloq-odob me’yorlariga amal qilishlarini so‘rab qoladi.Xulosa qilish kuzatuvchilardan.BuxDU Matbuot xizmati