11.01.2022

O‘zbek adabiyotining zabardast vakilasi O‘zbekiston xalq shoiri Zulfiyaxonim ijodi va shaxsiyati millionlab qalblarni go‘zal tuyg‘ularga, cheksiz hurmatga oshno etaveradi. Necha yillardan buyon mamlakatimizda iqtidorli qizlar uchun Zulfiya nomidagi davlat mukofoti topshirilib, ularning har taraflama qobiliyatlarini rivojlantirish, kelgusida jamiyatda faolliklarini oshirish maqsadi ko‘zlangan.Bu yili ham ushbu mukofot munosib egalariga taqdim etildi. O‘zbekiston Respublikasi Prezidenti Shavkat Mirziyoyevning 2021 yil 2 martdagi Qaroriga binoan yurtimizdagi viloyatlardan saralangan qizlar qatorida Buxoro davlat universiteti San'atshunoslik fakultetining 4-kurs talabasi Dinora Umarqulova ham ushbu yuksak mukofot bilan taqdirlandi.Bugun Dinora Umarqulova quvonchli kun va taassurotlari bilan bo‘lishish maqsadida Buxoro davlat universiteti rektori Obidjon Xamidov bilan qabulida bo‘ldi. Uchrashuvda O'zbekiston "Milliy tiklanish" demokratik partiyasi markaziy kengashi raisi Alisher Qodirov, O‘zbekiston Respublikasi Oliy Majlisi Senati a’zosi, "Do'stlik" ordeni sohibasi, Xuseynova Abira Amanovna, BuxDU Yoshlar bilan ishlash bo'yicha prorektori A.Kadirov, San'atshunoslik fakulteti dekani B.Madrimov ishtirok etishdi. Samimiy suhbat davomida Dinora Umarqulova bu yuksak mukofotni oqlash uchun yanada harakat qilishini, faollikni qo‘ldan bermay izlanishdan charchmasligini, bildirib o‘tdi. O‘z navbatida universitet rektori Zulfiyaxonim mukofoti sohibasi shu nomga sazovor bo‘lib elning ardog‘idagi shoira ayol kabi ulug‘likka erishishini tiladi.Suhbat so‘ngida universitet rektori Obidjon Xamidov Dinora Umarqulovani mukofot bilan yana bir bor tabriklab unga estalik uchun sovg'alarni sovg‘a qildi.BuxDU Matbuot xizmati