11.01.2022

Yaqinda bo‘lib o‘tishi rejalashtirilgan O‘zbekiston-Vengriya rektorlari forumiga tayyorgarlik doirasida universitetimizda Vengriya universitetlari faoliyati bilan tanishish hamda hamkorlik yo‘nalishlarini muhokama qilish davom etmoqda.16-mart kuni xalqaro hamkorlik bo‘yicha prorektor A.Jo‘rayev Vengriyaning Karoy Esterxazi universiteti vakillari bilan uchrashdi. Uchrashuvda Eshterhazi Karoy universiteti prorektori Vatsi Kolman Zoltan, Xalqaro aloqalar markazi direktori Katalin Tayler va boshqalar ishtirok etdi.Uchrashuvda ikkala universitet to‘g‘risidagi maʼlumotlar tanishtirildi. Prorektor A.Jo‘rayev tomonidan universitetimiz uchun zarur bo‘lgan yo‘nalishlarda amalga oshirish mumkin bo‘lgan chora-tadbirlar bo‘yicha fikr bildirildi. Tomonlar yaqin kunlar ichida bugungi uchrashuvda muhokama qilingan yo‘nalishlar bo‘yicha aniq takliflarni ishlab chiqish hamda taqdim etishga kelishib oldilar. Maʼlumot uchun:Karoy Esterxazi universiteti Vengriyaning Eger shahrida joylashgan bo‘lib, 1774 yilda tashkil topgan. Bugungi kunda universitet talabalari soni 7 ming nafardan ortiq. Universitet tarkibida Gumanitar fanlar fakulteti, Pedagogika va bilim texnologiyalari fakulteti, Iqtisodiyot va ijtimoiy fanlar fakulteti, Tabiiy fanlar fakulteti, shuningdek “Innoregion” ilmiy markazi, Internet of Things (Narsalar interneti) ilmiy markazi, Sog‘liqni saqlash va sport ilmiy markazi, Oziq-ovqat va vino ilmiy markazi, Pedagogika nazariyasi, o‘qitish dizayni va metodikasi tadqiqot guruhi kabilar faoliyat ko‘rsatadi.Universitetning Yashbereni shaharchasidagi kampusida maktabgacha taʼlim, boshlang‘ich taʼlim, yosh bolalar tarbiyasi, boshlang‘ich taʼlimda xorijiy tillar, kutubxona ishi, ijtimoiy ish kabi yo‘nalishlarda taʼlim va amaliyot jarayonlari olib boriladi. Universitetda doktoranturasida tarix hamda pedagogika nazariyasi va tarixi ixtisosliklari asosiy o‘rinni egallaydi.Universitet haqida qo‘shimcha maʼlumotlar bilan rasmiy saytda tanishishingiz mumkin:https://www.uni-eszterhazy.hu/enBuxDU Xalqaro hamkorlik bo'limi