11.01.2022

Ayol! Ona! Bu hayotning yaratuvchisi, uni mukammal etguvchi zotdir. Hayot aslida onadan boshlanadi. Ona bor ekan, beshik tebranadi, allalar aytiladi. Ayol sha’niga aytilayotgan hamdu sano, ta’rifu tavsiflarning chek-chegarasi yo‘q. Dunyo taqvimida shunday kun borki, bu kunda mo`tabar onajonlar ulug`lanadi, ayollar, opa-singillarga esa hurmat ko`rsatiladi. Bu albatta, umumbashariy miqyosda o`tkaziladigan bahorning ilk kunlarida nishonlanuvchi “Xalqaro xotin-qizlar kuni”dir.Mazkur sana munosabati bilan 2021 yilning 5-mart kuni Buxoro Yoshlar markazining bosh yig’ingohida Buxoro davlat universiteti ayol professor-o’qituvchilari, ishchi, xizmatchi-xodimlari, doktorantlari, magistrlari ishtirokida 8-mart Xalqaro xotin-qizlar kuni munosabati bilan “Sen aziz va muqaddasssan ayol!” nomli bayram tadbiri o’tkazildi.Ushbu bayram tadbirini kirish so’zi bilan Buxoro davlat universiteti rektori, iqtisodiyot fanlari doktori, professor Obidjon Xamidov aziz ayollarni, xotin-qizlarni samimiy tabriklab ochib berdi.Bayram tadbirida o’zlarining chiqishlari bilan “Feruza” bolalar raqs ansambli, Bobirshoh Nurullayev, Azamat Rajabov, Mehriniso Samiyeva, Said Jafarov, “Buxoro go’zallari” raqs ansambli, Xorijiy tillar fakulteti talabalari, Allayeva Zarnigor, Jamol Baqoyevlar barchaga birdek pozitiv kayfiyat ulashishdi. Tadbirni olib borishda San’atshunoslik fakulteti talabasi Ruslan G’aybullayev hamda Filologiya fakulteti Ozoda Raupovalar jonbozlik ko’rsatdilar.     Bayram tadbirida prorektorlar, Universitet xodimlar va talabalar kasaba uyushma qo’mitasi raisi, fakultet dekanlari, fakultetlarda faoliyat olib boruvchi professor-o’qituvchilar, xotin-qizlar, xizmatchi xodimlar qatnashdilar. Bayram tadbirini ko’tarinki kayfiyatda o’tishida San’atshunoslik fakultetining iqtidorli talabalari, ustozlari o’zlarini hissalarini qo’shdilar.  Rahbariyat, shuningdek BuxDU talabalar va xodimlar kasaba uyushmasi tomonidan universitetning bir qator ayol professor-o`qituvchilariga sovg`alar va tashakkurnomalar taqdim etildi. San`atshunoslik fakulteti tomonidan tayyorlangan badiiy chiqishlar barcha ayollarni raqsga chorladi.Bir-biriga ulanib ketgan go‘zal kuy va qo‘shiqlar bayram tadbiriga o‘zgacha shukuh bag‘ishladi.Mehr-muhabbat, go‘zallik va soflik timsoli bo‘lmish muhtarama ayollar, hamisha e’zozimizda va hurmatimizdadir!BuxDU Matbuot xizmati