2015 yil 10 noyabr kuni BuxDU “Boshlang`ich va maktabgacha ta’lim uslubiyoti” kafedrasi professor-o`qituvchilari dotsent, A.R.Hamroyev, dotsent, G`.M.Sayfullayev, dotsent, G.Q.Xasanova, katta o`qituvchi S.S.Xodjayeva va o`qituvchi Sh.M.Farmonovalar hamda Buxoro shahridagi 23-son umumo`rta ta’lim maktab boshlang`ich sinf o`qituvchilari hamkorligida “Boshlang`ich ta’limda yangi pedagogik texnologiyalar yordamida o`qitish samaradorligini oshirish” mavzusida davra suhbati bo`ldi. Davra suhbatini “Boshlang`ich va maktabgacha ta’lim uslubiyoti” kafedrasi mudiri dotsent A.R.Hamroyev so`zga chiqib, boshlang`ich ta’lim umumta’limning poydevori ekanligini, kelgusida etuk malakali kadrlarni tayyorlashda boshlang`ich ta’limning o`rni katta ekanligini aytib o`tdilar. Prezidentimiz aytganlaridek boshlang`ich sinflarning 1-sinfidan boshlab, chet tilini o`rgatish, oliy ma’lumotli kadrlar bilan maktablarni ta’minlanishi to`g`risida, bu vazifalarni hal etishda o`qituvchilardan chuqur bilim, mahorat talab qilinishi, hozirgi davr muhim vazifalaridan biri ekanligi haqida fikrlarini bayon etdilar. Ushbu masala yuzasidan kafedra dotsenti G`.M.Sayfullaev, va kafedra o`qituvchisi Sh.M.Farmonovalar ham so`zga chiqib o`z fikr mulohazalarini bildirdilar. Buxoro shahar 23-son umumta’lim maktabi boshlang`ich sinflar bo`yicha direktor o`rinbosari O.Adizova, N.Baqoevalar so`zga chiqib, boshlang`ich ta’limda dars sifati va samaradorligini oshirish yo`llari to`g`risida o`z fikrlarini bayon etdilar. Bu mavzu yuzasidan maktab o`qituvchilari N.Adizova ham o`z fikrlarini aytib, maktabda olib boriladigan darslar jarayonida o`qituvchilar yangi ped texnologiyalardan foylalanib, o`quvchilarni bilim saviyalarini oshirishga taklif va mulohazalarini bildirdilar.
