O‘zbekiston Tarixchilar jamiyati Buxoro viloyati bo‘limi raisi hamda Buxoro davlat universiteti tuzilmasidagi “Qatag‘on qurbonlari xotirasi” muzeyi direktori Hamroyev Azalshoh Hazratovich tomonidan jamiyatda ma’naviy-ma’rifiy ishlarni amalga oshirish, yuksak ijtimoiy-ma’naviy muhitni shakllantirish, mustaqillik yillarida erishilgan yutuqlarni keng targ‘ib qilish, yosh avlodni vatanparvarlik, milliy, umuminsoniy qadriyatlarga hurmat, ona-yurtga muhabbat, istiqlol g‘oyalariga sadoqat ruhida tarbiyalash ishiga munosib hissa qo‘shib kelmoqda.Uning muallifligida chop etilgan 9 ta kitob-albomlarda ona O‘zbekistonimiz, xususan, Buxoroi Sharifning tarixi, qadriyatlari, ma’naviyati, urf-odatlari aks etgan bo‘lib, bular nafaqat o‘zbek kitobxonlari, balki jahon afkor ommasini ham befarq qoldirmayapti. Fikrimizning dalili sifatida 2019 yilda O‘zbekistondagi AQSH elchixonasi tomonidan A. Hamroyev muallifligidagi “Ko‘hna va boqiy Buxoro” (o‘zbek, rus, ingliz tillarida, 256 bet, 2017 y. Gʻ.Gʻulom NMIU) kitob-albomi dunyodagi eng nufuzli AQSH Kongress kutubxonasiga taqdim qilinganligini aytishimiz mumkin.Bundan tashqari, uning muallifligida 2017 yilda “O‘zbekiston” NMIU da chop etilgan “Buxoro hunarmandchiligi zebu zarlari” kitobi (o‘zbek, rus ingliz tillarida, 112 bet), 2019 yilda “O‘zbekiston” NMIU da chop etilgan “Buxoro hunarmandchiligi durdonalari” (o‘zbek, rus, ingliz tillarida, 112 bet) kitob-albomi, 2020 yilda “Ma’naviyat” nashriyotida chop etilgan “Buxoro: O‘tmishi ulug‘, kelajagi yorqin diyor” (o‘zbek, rus, ingliz tillarida, 320 bet) 2021 yilda “O‘zbekiston” nashriyotida chop etilgan “Buxoro - Islom olami madaniyati poytaxti” (o‘zbek, ingliz, arab tillarida, 288 bet) kitob-albomlari shular jumlasidandir. A.Hamroyev o‘z faoliyati davrida Davlatimiz siyosatining ustuvor yo‘nalishlari, islohotlarning mohiyati, qabul qilinayotgan qonun hujjatlari va Davlat dasturlarining ahamiyatini tushuntirish, yurtimizga qarshi qaratilgan g‘oyaviy xurujlarning oldini olish, odamlarni hushyorlik va ogohlikka da’vat etish kabi targ‘ibot ishlarini samarali tashkil qilib kelmoqda. Hamroyev A.H. jonkuyar, tashabbuskor, faol va vatanparvar inson va o‘ta ma’rifatli ustoz sifatida talabalar orasida hurmat qozongan.A.H. Hamroyev Respublika va viloyat televideniyasi, gazeta va radio eshittirishlarida muntazam qatnashib kelmoqda. 2020 yilning o‘zida u 20 dan ortiq Respublika, Viloyat televideniyelarida intervyu bergan va ko‘rsatuvlarda ishtirok etgan. Qator ijtimoiy tarmoqlarda barcha dolzarb mavzularda maqolalari yoritilgan.Hamroyev Azalshoh Hazratovich “Harbiy xizmatchilar va yoshlarning tarbiyasiga qo‘shgan munosib hissasi uchun” O‘zbekiston Respublikasi DXX raisining 2021 yil 11 yanvardagi buyrug‘iga asosan, “Ma’naviy-ma’rifiy ishlar a’lochisi” ko‘krak nishoni va pul mukofoti bilan taqdirlandi.Buxoro Davlat Universiteti rektorati va “Tarix va madaniy meros” fakulteti jamoasi Azalshoh Hamroyevning kelgusidagi ilmiy-ijodiy ishlariga muvaffaqiyatlar va omadlar tilab qoladi.BuxDU Matbuot xizmati