Buxoro davlat universiteti Tarix kafedrasi katta ilmiy xodim-izlanuvchisi O.A.Klichev va Sh.N Fayzullayevlar Buxoro davlat universitetining 85 yilligiga bag’ishlab Buxoro arxiv ishi tarixi nomli yana bir ilmiy risolalarini chop ettirishdi. Ushbu risola Buxoro viloyatidagi arxiv ishi tarixiga bag’ishlangan.Kitob tarix fanlar doktori H.H. To’rayevning muharrirligida va O’zMU Manbashunoslik va arxivshunoslik kafedrasi dotsenti,tarix fanlari nomzodi M.S.Isakova,O’zR KSOH MDA katta ilmiy xodimi Z.H Djabbarovalar tomonidan berilgan taqrizlar asosida Ijtimoiy-iqtisodiy fakultet Ilmiy Kengashida muhokama qilinib nashrga tavsiya etilgan.Risola XIX asr oxiri va XX asr boshlaridagi O’rta Osiyo xonliklari arxiv hujjatlarining tarixiy tahlilidan to mustaqillik yillarida Buxoro viloyatida arxiv ishi tarixi masalalariga bag’ishlangan.Mualliflar mazkur tadqiqotlarini amalga oshirishda O’zbekiston Respublikasi Markaziy Davlat Arxivida saqlanilayotgan R-399, R-400, M-17, I-3 va I-126 fondlaridan, shuningdek Buxoro VDAdagi 15 fond hujjatlaridan unumli foydalanishgan. Tadqiqot mavzusidan kelib chiqib, ushbu risola arxivshunoslik va manbashunoslik sohalari asosida Buxoro tarixi masalalarini o’rganishda yangi va muhim manba hisoblanadi.Kitob Buxoro arxiv ishi tarixiMualliflar: Sh.N.Fayzullayev,O.A.KlichevYo`nalishi: Ilmiy,o’quv-uslubiyFan sohasi: Tarix, Arxivshunoslik, O’lkashunoslikNashr etilgan yili: 2015Nashriyot: «DURDONA»Nashr joyi: BuxoroSahifalar soni: 104
