11.01.2022

Bugun Buxoro davlat universiteti hamda Indoneziyaning Gunadarma universiteti hamkorligida 2019-2020 o‘quv yilidan boshlab yo‘lga qo‘yilgan “Raqamli turizm” qo‘shma magistratura dasturiga tegishli masalalar bo‘yicha onlayn uchrashuv bo‘lib o‘tdi.Uchrashuvda xalqaro hamkorlik bo‘yicha prorektor A.Jo‘rayev, qo‘shma taʼlim dasturlarini muvofiqlashtirish bo‘limi boshlig‘i O.Raximov, “Turizm va mehmonxona xo‘jaligi” kafedrasi mudir Z.Nurov, o‘qituvchi S.Qurbonov, Gunadarma universiteti xalqaro hamkorlik bo‘yicha koordinatori M.Viryana, “Raqamli turizm” dasturi koordinatori H.Hustinavati, Informatsion texnologiyalar kafedrasi dotsentlari M.Karyati va Yu.Xanumlar ishtirok etdi.Hamkorlikda amalga oshirilayotgan qo‘shma magistratura taʼlim dasturi bo‘yicha masalalar muhokama qilinib, umumiy qarorlar qabul qilindi.1) 2-kurs talabalarining taʼlim jarayonlarini o‘z vaqtida va yuqori sifatda yakunlash maqsadida bitiruvchilar uchun magistrlik loyihasini tayyorlash bo‘yicha seminarlar tashkil etiladi. Seminarlarning dastlabkisi 21 dekabr kuni o‘tkaziladi. Seminarda loyiha ishiga qo‘yilgan talabalar bo‘yicha tushuntirish beriladi. Shuni taʼkidlash joizki, Gunadarma universiteti tomonidan bitiruvchi magistrlarga Skopus bazasida indekslanadigan maqola tayyorlash talabi qo‘yilganligi ushbu magistratura dasturi sifatini taʼminlashga hissa qo‘shadi.2) O‘zbekistonda koronavirus pandemiyasi bilan bog‘liq holatning barqarorlashi hamda xalqaro aviaqatnovlarning qayta yo‘lga qo‘yilishiga bog‘liq holda, qo‘shma magistratura dasturining indoneziyalik talabalarining BuxDUga kelib, loyiha ishlarini yakunlashlari masalasi ko‘rib chiqiladi.3) 1-kurs talabalari uchun yanvar oyidan boshlab, informatsion texnologiyalar va ularning turizmda qo‘llinish bo‘yicha Gunadarma universiteti tomonidan maxsus kurslar boshlanadi.4) BuxDU tomoni ushbu magistratura dasturining davom ettirilishi borasida qo‘llab-quvvatlash xatlarini Gunadarma universitetiga taqdim etadi. Gunadarma universiteti o‘z navbatida zaruriy hujjatlarni Indoneziya ilm-fan, texnologiyalar va oliy taʼlim vazirligiga taqdim etadi.BuxDU Xalqaro hamkorlik bo'limi