11.01.2022

2021 yil 15 yanvar soat 11:00 da Buxoro davlat universiteti katta majlislar zalida Buxoro shahar favqulodda vaziyatlar bo‘limi 2021 yil 12 yanvardagi № 1/9-34-sonli “Is gazidan  zaharlanish, gaz va havo aralashmasining chaqnashi oqibatida sodir bo‘layotgan portlashlar, yong‘in va favqulodda holatlarda insonlarning halok bo‘lishi kabi holatlar sodir bo‘lishiga yo‘l qo‘ymaslik hamda ob-havo haroratining anomal sovuq bo‘lishida fuqarolarning isitish tarmog‘iga bo‘lgan talabining oshishi va undagi bo‘lishi mumkin bo‘lgan salbiy hodisalarni oldini olish bo‘yicha tadbirlarni jamoatchilik e’tiboriga havola qilish, targ‘ibot tashviqot tadbirlarini amalga oshirish hamda Buxoro davlat universitetining  2021 yil 8 yanvardagi chora-tadbir rejasi talablari ijrosi ta’minlash bo‘yicha universitet professor-o‘qituvchilari, talabalari va ishchi-xizmatchilari o‘rtasida “Aholi orasida is gazidan zaharlanish hamda tabiiy gazdan chaqnash holatlarining oldini olish borasida profilaktik tadbirlarni yanada kuchaytirish, ularning samaradorligini oshirish chora-tadbirlari” mavzusida seminar o‘quv mashg‘uloti o‘tkazildi.O‘quv mashg‘ulotida Buxoro viloyat Favqulodda vaziyatlar boshqarmasi boshlig‘i polkovnik A.A.Abduxalikov, Buxoro shahar Favqulodda vaziyatlar bo‘limi boshlig‘i podpolkovnik B.M. Xudoyberdiyev, Buxoro davlat tibbiyot instituti yuqumli kasalliklar va epidemologiya kafedrasi mudiri, tibbiyot fanlari doktori professor A.R. Obloqulov,  Buxoro tibbiyot davlat instituti umumiy gigiyena va ekologiya kafedrasi dotsenti A.A.Ortiqov, Buxoro shahar gaz ta’minoti tashkiloti  yetakchi muhandisi M.R. Nu’monov hamda 400 nafardan ortiq universitet professor-o‘qituvchilari, talabalari va ishchi-xizmatchilar ishtirok etdi.O‘quv mashg‘ulotini Buxoro davlat universiteti o‘quv ishlari bo‘yicha prorektori M.I.Daminov ochib, kun tartibidagi masala bilan seminar o‘quv mashg‘uloti ishtirokchilarini tanishtirib o‘tdi. O‘quv mashg‘ulot rejasida ko‘rsatilgan tavsiyalar bilan bir qatorda o‘z yo‘nalishlari bo‘yicha ma’ruza va video roliklar namoyish qilindi.Buxoro viloyat Favqulodda vaziyatlar boshqarmasi boshlig‘i polkovnik Abdurazzoq Abduxalikov so‘zga chiqib, so‘nggi yillarda is gazi bilan zaharlanish bilan bog‘liq favqulodda vaziyatlar statistikasi, ularning kelib chiqishining asosiy sabablari hamda oldini olish borasidagi mutasaddi tashkilot va idoralarga amaldagi me’yoriy hamda rahbarlik hujjatlarida belgilab berilgan  vazifalar to‘g‘risida axborot berib,  respublikada va viloyatda is gazidan zaharlanishning oldini olishga qaratilgan profilaktik tadbirlar, ularni amalga oshirishda FVDTning tegishli xizmatlari tomonidan hamkorlikda bajariladigan ishlar to‘g‘risida gapirib o‘tdi.Buxoro shahar favqulodda vaziyatlar bo‘lim boshlig‘i podpolkovnik Baxtiyor Xudoyberdiyev so‘zga chiqib, Buxoro shahrida sodir bo‘layotgan yong‘inlar, elektr va issiqlik energiyasi, ko‘mirdan xavfsiz va oqilona foydalanishda texnika va yong‘in xavfsizligi qoidalariga amal qilinishi  hamda joylarda xizmat tomonidan  rejadagi bajarilgan profilaktik tadbirlar, ularni samaradorligini oshirish maqsadida tegishli xizmatlar bilan o‘zaro hamkorlikni yo‘lga qo‘yish haqida gapirib o‘tdi.          Buxoro davlat tibbiyot instituti  professori Abdurashid Obloqulov va dotsenti Azim Ortiqovlar  so‘zga chiqib, is gazidan zaharlanishning turlari, yengil, o‘rtacha va og‘ir zaharlanishlar sodir bo‘lishi, is gazidan zaharlanganda birinchi tibbiy yordam ko‘rsatish usullari va botulizm kasalligidan zaharlanish holati to‘g‘risida to‘xtaldi.Seminar mashg‘uloti yakunida universitet Fuqaro va mehnat muhofazasi bo‘lim boshlig‘i Fatillo Boltayev o‘quv mashg‘ulotiga tashrif buyurgan mutaxassislar va ishtirokchilarga minatdorchilik bildirib, ular tomonidan berilgan ma’lumotlar professor-o‘qituvchi,  talabalarga qiziqarligi to‘g‘risida aytib o‘tdi.BuxDU Fuqaro va mehnat muhofazasi bo‘lim boshlig‘i Fatillo BoltayevBuxDU Matbuot xizmati