11.01.2022

Erk ziyosi dilni etar nurafshon,Har bir zarra ezgulikni tilaydi.Yurtosmoni el ko'ksidek bepoyon,Beshigida Alpomishlar belaydi.Har o'g'lini doston bo'lgulik elim,Dunyoni sabr-la shukr asraydi!Tarixdan ma'lumki, har bir davrda yurtning osoyishtaligi, xalqining farovonligi kaliti mard va jasur, sobitqadam hamda fidoiy farzandlari bo'lib kelgan. 1993-yil 29-dekabr kuni O'zbekiston Respublikasi Oliy Majlis qarori bilan "14 - yanvar Vatan himoyachilari kuni" deb belgilandi. Vatan himoyachilari kuni nafaqat harbiy xizmatchilar, balki ayni vaqtda armiya safida xizmat qilib qaytgan yurtdoshlarimiz va endilikda xizmatga boradigan ming - minglab navqiron yigitlar bayramihamdir. Ushbu bayram munosabati bilan har yili yurtimiz bo'ylab tantanali tadbirlar bo'lib o'tadi. Shunday tadbirlardan biri Buxoro davlat universitetining Pedagogika fakultetida bo'lib o'tdi. Dastavval jangovar musiqa sadolari ostida fakultet talabalari tomonidan harbiy marsh namoyish etildi. Shundan so'ng Pedagogika fakulteti dekani Muxtorov Erkin Mustafoevich so'zga chiqib, barcha ustoz va talabalarni bugungi bayram bilan tabrikladilar. Tadbir davomida Arm restling sport turi bo'yicha tashkil qilingan musobaqa ustoz va talabalarni birdek jalb qilgan bo'lsa, fakultet talaba qizlari tomonidan "Men ham askar bo'laman " shiori ostida tayyorlangan harbiycha chiqishlar haqiqiy bayram tabrigi bo'ldi desak mubolag'a bo'lmaydi. Fakultet talabalari tomonidan vatanparvarlik, mardlikni ulug'lovchi she'rlar va qo'shiqlar ijro etildi.Pedagogika fakulteti matbuot kotibi Rahmatulla Temirov