11.01.2022

Joriy yilning 16 dekabr kuni soat 10:00 da Buxoro davlat universiteti huzuridagi ilmiy darajalar beruvchi PhD.03/27.02.2020.Fil.72.09 raqamli Ilmiy kengash qoshidagi Ilmiy seminarda Buxoro davlat universiteti mustaqil izlanuvchisi Saidova Rayhonoy Abdug‘aniyevnaning 10.00.02 – O‘zbek adabiyoti ixtisosligida «Badiiy matnda belgi munosabatlari (Rauf Parfi she’rlari asosida)» mavzusidagi filologiya fanlari bo‘yicha falsafa doktori (PhD) ilmiy darajasini olish uchun tayyorlagan dissertasiya ishining onlayn va oflayn muhokamasi bo‘lib o‘tdi. Muhokamada tadqiqotchi tomonidan Rauf Parfi she’rlaridagi belgi munosabatlarining badiiy-poetik strukturasi, matning poyonsizligi semiotikadagi leksiya birligi yordamida kommunikativ, konnotativ nuqtai nazardan yoritilganligi, badiiy matn tizimida binar oppozisiyaning muayyan belgilar orasida sodir bo‘lishi, matn tarkibidagi zid munosabatlar haqida ilmiy ma’lumotlar berib o‘tdi. Seminar jarayonida berilgan savol va takliflar, rasmiy va norasmiy taqrizchilar chiqishlari keng muhokama qilindi. Muhokama muvaffaqiyatli o‘tdi. Tadqiqotchining keyingi ilmiy izlanishlariga omad tilab qolamiz!BuxDU Matbuot xizmati